म्हापसा येथे एका व्यक्तीचा मृतदेह सापडला असून, त्याच्या गळ्यावर वार केल्याचा दिसून आले आहे. पोलिस घटनास्थळी दाखल झाले असून, पुढील तपासासाठी त्यांनी मृतदेह ताब्यात घेतला आहे.
दरम्यान, या घटनेमागे खूनाचा संशय व्यक्त केला जात आहे.
मिळालेल्या माहितीनुसार, बोडगिणी, म्हापसा येथील मोकळ्या जागेत एका व्यक्तीचा मृतदेह सापडला आहे. मृतदेहाच्या गळ्यावर बाटलीच्या काचेने वार केल्याचे प्रथमदर्शिनी दिसून आले आहे. रात्रीच्या सुमारास ही घटना घडल्याचा अंदाज पोलिसांनी व्यक्त केला आहे.
नबीन (वय 33) असे या मृत व्यक्तीचे नाव असून, तो सुरक्षा रक्षक म्हणून काम करत होता. अशी माहिती समोर आली आहे.
पोलिसांना घटनास्थळी एक बॅग सापडली असून, त्यामध्ये काही वैद्यकीय कागदपत्र देखील सापडली आहेत.
दरम्यान, या संशयास्पद घटनेमागचे नेमके कारण काय याबाबत अद्याप काहीही माहिती समोर आलेली नाही. पोलिस अधिक तपास करीत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.