Goa Corona Update: गोवा कोरोनामुक्तीच्या दिशेने, कोरोना रूग्णसंख्येत मोठी घट

Goa Corona Update: गोव्याची वाटचाल कोरोनामुक्तीच्या दिशेने सुरू आहे. मागील काही दिवसांपासून गोव्यात नव्याने वाढ होणाऱ्या रूग्णांची संख्या कमी झाली असून, सक्रिय रूग्णसंख्या देखील घटली आहे. सोमवारी दिवसभरात गोव्यात केवळ तीन नव्या कोरोनाबाधित रूग्णांची नोंद झाली असून, पाच कोरोनामुक्तांना डिस्चार्ज देण्यात आला.

गोव्यात सध्याच्या घडीला राज्यात 40 कोरोनाबाधित रूग्णांवर (Active Corona Cases In Goa) उपचार सुरू आहेत. आरोग्य विभागाच्या (Goa Health Department) वतीने प्रसिद्ध करण्यात आलेल्या आकडेवारीनुसार, गोव्यात आजवर 2 लाख 59 हजार 022 जणांना कोरोनाची बाधा झाली आहे. त्यापैकी 2 लाख 54 हजार 969 कोरोनामुक्तांना डिस्चार्ज देण्यात आला आहे. राज्यात आजवर राज्यात 4,013 जणांचा कोरोनामुळे मृत्यू झाला आहे. आज दिवसभरात 227 प्रयोगशाळा नमूने तपासण्यात आले आहेत. राज्याचा रिकव्हरी रेट वाढून 98.44 टक्के एवढा झाला आहे.

राज्यात मोठ्या प्रमाणावर झालेलं लसीकरण यामुळे कोरोना रूग्णसंख्येत मोठी घट झाली आहे. राज्यात सध्या केवळ 40 सक्रिय कोरोना रूग्ण आहेत. तसेच, दिवसेंदिवस वाढ होणाऱ्या रूग्णांची संख्या कमी झाली आहे.