Cooperation News : सहकारामुळे बेरोजगारीची समस्या सुटेल: रमेश तवडकर

Cooperation News : आगोंद, सहकार क्षेत्रात झोकून देणारे नेतृत्वच विश्वासाच्या बळावर सहकार वाढवू शकते. सहकारामुळे बेरोजगारीची समस्या सुटू शकते, असे प्रतिपादन सभापती रमेश तवडकर यांनी व्यक्त केले.

गोवा राज्य सहकारी संचालनालय व‌ दक्षिण गोवा सहकार निबंधक कार्यालयातर्फे ७० व्या अखिल भारतीय सहकार सप्ताहाचा समारोप समारंभ शेळेर, काणकोण येथील सरकारी शासकीय उच्च माध्यमिक विद्यालयाच्या सभागृहात झाला.

काणकोण अर्बन पतसंस्था, जन विकास सहकारी संस्था आणि काणकोण तालुका प्राथमिक शिक्षक सहकारी पतसंस्थेच्या सहकार्याने आयोजित या कार्यक्रमाला हेमंत कामत, दिनेश पवार, अर्बन पतसंस्थेचे अध्यक्ष अजित पैंगीणकर,

काणकोण तालुका सहकारी संस्थेच्या अध्यक्षा सुनंदा देसाई, जनविकास सहकारी संस्थेचे अध्यक्ष राजेश गावकर आणि दक्षिण गोवा साहाय्यक सहकार निबंधक संतोष नाईक उपस्थित होते. सूत्रसंचालन शिरीष पै यांनी केले तर राजेश गावकर यांनी आभार मानले.