Morjim : व्यावसायिकांच्या सोयीसाठीच मोरजीमध्ये भू-रूपांतर : काँग्रेस

राज्यातील भाजप सरकार हरित जमिनींचे रूपांतर करून मेगा प्रकल्प आणण्यासाठी त्यांच्या व्यावसायिक भागीदारांना मदत करत आहे. त्यामुळे भविष्यात स्थानिकांना मूलभूत गरजांपासून वंचित राहावे लागेल, असा घणाघाती आरोप काँग्रेसने शनिवारी केला.

या पत्रकार परिषदेला काँग्रेस नेते विरिएतो फर्नांडिस, कॉंग्रेस सरचिटणीस जितेंद्र गावकर, उत्तर‌ गोवा कॉंग्रेस सरचिटणीस प्रणव परब उपस्थित होते.

सरकारने टीसीपीच्या कलमांमध्ये दुरुस्ती केली. आम्ही या प्रकरणांचा अभ्यास केला, तेव्हा प्रादेशिक आराखडा 2021 मध्ये त्रुटी असल्याचे कारण देण्यात आले. हे चुकीचे आहे. कृषी विधेयकातही सुधारणा करण्यात आली.

मंत्र्यांच्या भागीदाराला दिली जमीन

यावेळी फर्नांडिस म्हणाले, मोरजी येथील 62 हजार चौरस मीटर जमीन हरितमधून ‘सेटलमेन्ट’मध्ये रूपांतरित केली जात आहे. ‘ही जमीन कृषी क्षेत्रातील होती आणि तिचा काही भाग जंगलात येत होता.

तरीही नगर विकास खात्याने या सेटलमेंटला मान्यता दिली आहे. गोव्याच्या कॅबिनेट मंत्र्यांचे व्यावसायिक भागीदार असलेल्या रेड्डी या व्यक्तीला मोरजी येथे जमीन देण्यात आल्याचा आरोप त्यांनी केला.