भाजपमुळेच देशभरात शांती नांदत असून गोव्यातील डॉ. प्रमोद सावंत यांच्या नेतृत्वाखालील सरकारने विकासाभिमुख प्रशासन दिले आहे. त्यामुळे येत्या लोकसभा निवडणुकीत दक्षिण गोव्यात मी भाजप उमेदवारालाच पाठिंबा देणार, अशी घोषणा बाणावलीचे माजी आमदार चर्चिल आलेमाव यांनी केली.
दोन वेळा लोकसभेवर निवडून आलेले आलेमाव यांना पत्रकारांनी आज आगामी लोकसभा निवडणूक तुम्ही लढवणार का असे विचारले असता, मी निवडणूक लढवावी, असा आग्रह होत आहे. तरीही मी भाजप उमेदवारालाच पाठिंबा देणार, असे त्यांनी स्पष्ट केले.
मुख्यमंत्री डॉ. सावंत यांचा सोमवारी वाढदिवस आहे. त्यानिमित्ताने आलेमाव यांनी त्यांचे अभिनंदन करण्यासाठी आणि त्यांना दीर्घायुष्य लाभावे, अशी प्रार्थना करण्यासाठी पत्रकार परिषद बोलावली होती. मुख्यमंत्री सावंत यांच्या मदतीने मी बाणावली मतदारसंघाचा विकास केला, असा दावा त्यांनी केला.
वेंझी व्हिएगस हे ‘व्हॉट्स ॲप’ आमदार
बाणावलीचे आमदार वेंझी व्हिएगस हे विकासकामे करण्यात पूर्णतः अपयशी ठरले आहेत. त्यांची ओळख फक्त ‘व्हॉट्स ॲप आणि ड्रोन’ आमदार अशी करावी लागेल, अशी टीका चर्चिल यांनी केली.
निवडून आल्यानंतर त्यांनी मतदारसंघात एक तरी काम केले आहे का, हे सांगावे. मी आमदार असताना २०० कोटींची विकासकामे मंजूर केली. वेंझी जी कामे दाखवितात, ती मी मंजूर केलेली आहेत, असा दावा आलेमाव यांनी केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
