पणजी : 'नॅशनल हॅरॉल्ड' प्रकरणावरुन केंद्र सरकारने कॉंग्रेस नेते राहुल गांधी यांच्यावर निशाणा साधला आहे. याचबरोबर राज्य पातळीवरील कॉंग्रेस नेत्यांना देखील लक्ष्य केले जात आहे. याचा निषेध करण्यासाठी गुरुवारी सकाळी 11 वाजता कॉंग्रेस नेते आणि कार्यकर्ते राज राजभवनासमोर निदर्शने करणार असल्याची माहिती काँग्रेस प्रदेशाध्यक्ष अमित पाटकर यांनी दिली.
'नॅशनल हॅरॉल्ड' वृत्तपत्राला 90 कोटी कर्ज देण्यात आले होते. ही रक्कम पगार आणि निवृत्त वेतन देण्यासाठी वापरण्यात आली होती. मात्र, हे पैसे राहुल गांधींनी घेतल्याचा आरोप सरकारने केला आहे.
भाजप सरकार सूडाचे राजकारण करत आहे. सत्ताधारी पक्षाने अशा पद्धतीचे खालच्या पातळीवर उतरून राजकारण करू नये. निवडणुका जवळ आल्या की सरकार विरोधी पक्षांच्या मागे लागते, असा आरोप देखील अमित पाटकर यांनी केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
