Colvale Jail: कोलवाळ कारागृहातील सहाय्यक अधीक्षकासह तिघे निलंबित, 'या' कारणास्तव करण्यात आले निलंबन

Colvale Jail: नेहमीच या ना त्या कारणाने चर्चेत असलेले कोलवाळ कारागृह पुन्हा एकदा चर्चेत आले आहे. येथे घडलेल्या एका प्रकारामुळे कारागृह महानिरीक्षकांकडून चौघा कर्मचाऱ्यांना निलंबित करण्यात आल्याची माहिती प्राप्त झाली आहे.

दरम्यान मिळालेल्या प्राथमिक माहिती नुसार दसऱ्यानिमित्त कोलवाळ कारागृहात कैद्यांना ‘रावणवध’ उत्सवासाठी फटाक्यांचा वापर करण्यास परवानगी दिल्याने कारागृहातील सहाय्यक अधीक्षक, दोन जेलर व एक सहाय्यक जेलर यांना निलंबित करण्यात आल्याचे समजतेय.

निलंबित केलेल्यांमध्ये सहायक अधीक्षक चंद्रकांत हरिजन, जेलर महेश फडते, तुरुंगाधिकारी अनिल गावकर, जेलर रामनाथ गौडे यांचा समावेश आहे

या प्रकरणी कारागृह महानिरीक्षकांकडून निलंबनाचा आदेश जारी करण्यात आला असून त्यांच्याकडे घडलेल्या घटनेबाबत स्पष्टीकरण मागवण्यात आल्याचे समजतेय. काही दिवसांपूर्वी चिकन वाढण्याच्या कारणावरून कैद्यांमध्ये हाणामारी झाली होती.

यात काही कैद्यांना दुखापत देखील झाली होती. त्यानंतर कारागृह कर्मचाऱ्यांनी मध्यस्थी करत वाद मिटवला होता. तसेच जखमींना उपचारासाठी सरकारी रुग्णालयात दाखल करण्यात आले होते.