Experience needed in Government Jobs in Goa: गोव्यात आता कायमस्वरूपी सरकारी नोकरी हवी असेल तर उमेदवाराला किमान एका वर्षाचा कामाचा अनुभव असणे सक्तीचे असणार आहे. गुरूवारी याबाबतचा निर्णय झाला आहे.
हा कामाचा अनुभव अर्जदारांनी अ‍ॅप्रेंटिस म्हणून सरकारी विभाग, संस्था, कार्यालये किंवा निमसरकारी संस्था, कार्यालयांमध्ये हा अनुभव घेतलेला असावा.
एखाद्या कारखान्यात किंवा कंपनीतील किंवा खासगी संस्थेत जिथे पाच पेक्षा अधिक व्यक्ती कार्यरत आहेत, तेथील अनुभवही चालणार आहे. टाईम्स ऑफ इंडियाने याबाबतचे वृत्त दिले आहे.
मुख्यमंत्री प्रमोद सावंत यांनी सांगितले की, यापुढे कायमस्वरूपी सरकारी नोकरीसाठी अर्ज करण्यासाठी युवकांना सरकारीसह कोणत्याही क्षेत्रातील कामाच्या अनुभवाचे प्रमाणपत्र लागेल. यापुर्वी सरकारी नोकरी मिळविण्यासाठी अशा अनुभवाची गरज लागत नव्हती.
पण, अनुभवासाठी युवकांना काम करावे लागेल. युवकांना सरकारी नोकरीतील कामाचे प्रत्यक्ष ज्ञान व्हावे यासाठी ही सक्ती करण्यात आली आहे. त्यामुळे त्यांची क्षमता, कौशल्ये यात वाढ होणार आहे. वास्तव जगातील कामाच्या वातावरणातून युवकांना ज्ञान मिळवायला मदत होईल.
त्याचा फायदा अर्थातच सार्वजनिक सेवेत प्रभावीपणे योगदान देण्यासाठी अधिक सुसज्ज होण्यासाठी होणार आहे.
दरम्यान, मुख्यमंत्री डॉ. प्रमोद सावंत यांनी याच वर्षी बेरोजगार युवकांसाठी ‘ॲप्रेन्‍टीसशिप’ (प्रशिक्षणार्थी) योजना आणली. यात अनेक तरूणांनी अर्ज केले होते.
विविध सरकारी विभाग तसेच कंपन्यांमध्ये ही नोकरी असणार आहे. यात उमेदवाराच्या शिक्षणानुसार त्यााल मासिक स्टायपेंडही दिला जाणार आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.