Panjim: "गोव्यातील कलाकारांनाही मराठी चित्रपटांमध्ये अभिनयाची संधी द्यावी", CM सावंतांचे प्रतिपादन

Goa: गोव्यात मोठ्या प्रमाणात मराठी चित्रपट पाहिले जातात; परंतु मराठी चित्रपट कमी प्रमाणात प्रदर्शित होतात. राज्यात मराठी चित्रपट मोठ्या प्रमाणात प्रदर्शित करण्यासाठी प्रयत्न करावेत.
CM Pramod Sawant
CM Pramod SawantDainik Gomantak
Published on
Updated on

पणजी: गोव्यात मोठ्या प्रमाणात मराठी चित्रपट पाहिले जातात; परंतु मराठी चित्रपट कमी प्रमाणात प्रदर्शित होतात. राज्यात मराठी चित्रपट मोठ्या प्रमाणात प्रदर्शित करण्यासाठी प्रयत्न करावेत. सोबतच गोव्यातील कलाकारांनाही मराठी चित्रपटांमध्ये अभिनयाची संधी द्यावी, असे प्रतिपादन मुख्यमंत्री डॉ. प्रमोद सावंत यांनी आज केले.

१४ व्या गोवा मराठी चित्रपट महोत्सवाच्या उदघाटनसमयी ते बोलत होते. यावेळी व्यासपीठावर ज्येष्ठ अभिनेते डॉ. मोहन आगाशे, आमदार दिलायला लोबो, संजय शेट्ये, पणजीचे महापौर रोहित मोन्सेरात व इतर मान्यवर उपस्थित होते.

सावंत म्हणाले, गोव्यात चित्रीकरणासाठी लागणाऱ्या परवानग्या देण्यासाठी आम्ही ‘एक खिडकी योजना’ राबविली असून प्रक्रिया अतिशय सोपी केली आहे. गोव्यातील ३० टक्के कलाकार असल्यास गोवा चित्रपट महोत्सवात देखील संधी प्राप्त होते. गोव्यात कोकणीसह मराठी चित्रपटांनाही अनुदान देण्यात येत आहे. हा मराठी चित्रपटसृष्टीचा सन्मान मराठी कलाकारांची मांदियाळी गेली अनेक वर्षे सातत्याने महाराष्ट्रात मराठी चित्रपट महोत्सव होत नाही; परंतु गोव्यात होत आहे, हे कौतुकास्पद आहे.

CM Pramod Sawant
South Goa Hospital: द.गो. जिल्हा रुग्णालयात 110 डॉक्टर नेमणार, बेडची संख्या वाढणार वाढणार; मुख्यमंत्र्यांनी दिली माहिती

आज जो माझा सन्मान झाला तो माझा नसून मराठी चित्रपटसृष्टीचा आहे. या चित्रपटसृष्टीसाठी वावरले ल्या सर्वांच्या वतीने मी तो स्वीकारतो. गोव्याच्या भूमीवर अशा गोष्टी घडत राहोत. मराठी सिनेमा अमर होवो, असे डॉ. मोहन आगाशे म्हणाले.

CM Pramod Sawant
Goa Mining: ..पहाटे ट्रक भरून होते मालवाहतूक! सरकारी यंत्रणा धाब्यावर बसवून चिरेखाण व्यवसाय; साकोर्ड्यातील प्रकार

१४ व्या गोवा मराठी चित्रपट महोत्सवात मोठ्या प्रमाणात मराठी चित्रपटसृष्टीतील कलाकार, दिग्दर्शक, अभिनेत्यांनी हजेरी लावली होती. यात प्रामुख्याने ज्येष्ठ अभिनेत्री रोहिणी हट्टंगटी, महेश मांजरेकर, अजिंक्य देव, उपेंद्र लिमये, मृणाल कु लकर्णी, सुबोध भावे, जितेंद्र जोशी, छाया कदम, मेधा मांजरेकर, सई मांजरेकर, सिद्धार्थ जाधव, गजेंद्र अहिरे, भूषण प्रधान, दिग्दर्शक नवज्योत बांदिवडेकर आदींनी महोत्सवास हजेरी लावली

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com