Goa Assembly: ‘एमडीआर-४२’बाबत प्रक्रिया सुरू; सिल्वा यांच्या सूचनेला मुख्यमंत्र्यांचे उत्तर

पणजी: चिंचणी येथील येथील रस्त्याचा मुख्य जिल्हा मार्ग-४२चा (एमडीआर-४२) दर्जा रद्द करण्याचा निर्णय घेण्यात आला असून त्याची प्रक्रिया सुरू आहे, असे उत्तर आज मुख्यमंत्री डॉ. प्रमोद सावंत यांनी आमदार क्रुझ सिल्वा यांच्या लक्षवेधी सूचनेला विधानसभेत शून्य तासावेळी दिले.

एमडीआर-४२ हा रस्ता चिंचणी गावातून जाऊन माकाझान गावात संपतो. हा रस्ता ८ फेब्रुवारी १९७७ साली एमडीआर-४२ म्हणून अधिसूचित केला होता. एमडीआर-४३ रस्ता जो दाबोळी-केळशीपर्यंत जातो तो १९७७ साली अधिसूचित केला होता, तो पूर्णपणे वेगळा आहे.

रघुवीर गिरण, देवसू चिंचणी ते राष्ट्रीय महामार्ग ६६, दांडेवाडा जंक्शन व्हाया सेंट मेरी कॉन्व्हेंट हायस्कूल, सरकारी प्राथमिक आरोग्य केंद्र येथील १.६ किलोमीटरचा रस्त्याचा एमडीआर दर्जा रद्द करण्याच्या विचारात नाही, त्यामुळे चिंचणीच्या रहिवशांनी चिंता करण्याची गरज नाही, असे उत्तर मुख्यमंत्र्यांनी दिले.