Goa Budget Session 2024: गोव्याचे अर्थसंकल्पीय अधिवेशन येत्या 02 फेब्रुवारीपासून सुरु होणार आहे. राज्यपालांच्या भाषणाने अधिवेशनाला सुरुवात होईल. अधिवेशन काळातच पंतप्रधान नरेंद्र मोदी गोव्यात येत असल्याने या दिवशी अधिवेशन कामकाज बंद राहणार आहे, अशी माहिती बीएसीच्या बैठकीनंतर विजय सरदेसाई यांनी दिली.
पंतप्रधान नरेंद्र मोदी यांच्या गोवा दौऱ्याच्या पार्श्वभूमीवर 06 फेब्रुवारी रोजी विधानसभेतील अधिवेशन कामकाज बंद राहणार आहे. रद्द करण्यात आलेले कामकाज एक दिवस पुढे ढकलण्यात आले असून, 10 फेब्रुवारी रोजी हे कामकाज होईल, असे बीएसी बैठकीनंतर सरदेसाई म्हणाले.
गोव्याचा 2024-25 वर्षाचा अर्थसंकल्प 08 फेब्रुवारी रोजी सादर केला जाणार, असल्याची माहिती मुख्यमंत्री डॉ. प्रमोद सावंत यांनी दिली.
आगामी अर्थसंकल्पीय अधिवेशनात विरोधक सरकारला घेरण्यासाठी सज्ज झाली असून, बेरोजगारी, पणजी स्मार्ट सिटी, फिल्म सिटी, म्हादई यासारख्या विषयावरुन घेरण्याची शक्यता आहे.
अस्मिता दिवस राज्य पातळीवर साजरा केला जावा, अशी मागणी विरोधी पक्षनेते युरी आलेमाव आणि विजय सरदेसाई यांनी केली आहे. सरदेसाई यांनी अस्मिता दिन आणि खासगी क्षेत्रात गोमन्तकीय भूमीपुत्रांना 80 टक्के जागा राखीव ठेवण्याची मागणी करणारे खासगी विधेयक सादर केले जाणार असल्याचे त्यांनी म्हटले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.