Goa Bridges Audit: राज्यातील सर्व पुलांचे होणार ऑडिट; PWD करणार 22 कोटी रूपये खर्च

Goa Bridges Audit: राज्यातील सर्व लहान-मोठ्या पुलांचे ऑडिट करण्याचा निर्णय राज्य सरकारने घेतला आहे. त्यासाठी राज्याच्या सार्वजनिक बांधकाम विभागाने (पीडब्ल्यूडी) 22 कोटी रुपये खर्च करण्याची तयारी केली आहे. ऑडिटसाठी सल्लागारांकडून बोली मागवली जाणार आहे. या ऑडिटमध्ये भूमिगत कामांचाही समावेश आहे.

गेल्या वर्षी देशातील काही भागात पूल कोसळण्याच्या घटना घडल्यानंतर केंद्रीय रस्ते वाहतूक आणि महामार्ग मंत्रालयाने (MoRTH) राज्यांना पुलांचे ऑडिटची करण्याची शिफारस केली होती. टाईम्स ऑफ इंडियाने याबाबतचे वृत्त दिले आहे.

सार्वजनिक बांधकाम विभाग दरवर्षी पावसाळ्यापूर्वी आणि नंतरच्या काळात अंतर्गतरीत्या काही मोठ्या पुलांची चाचणी घेत असते. त्याचे अहवाल नियमितपणे मंत्रालयाकडे पाठवले जातात.

मात्र राज्यातील सर्व पूलांचे ऑडिट कधीच झालेले नाही. लेखापरीक्षणात पाण्याखालील चाचण्यांचाही समावेश असेल, त्याशिवाय अधिरचना आणि पायाची ताकद तपासण्यासाठी चाचण्यांचा समावेश असेल.

ऑडिटसाठी सल्लागाराची नियुक्ती केली जात आहे. कारण ते अत्याधुनिक सॉफ्टवेअरमध्ये पारंगत आहेत आणि त्यांच्याकडे अद्ययावत उपकरणे आहेत. ऑडिटचा एक भाग म्हणून विना-विध्वंसक चाचणी केली जाईल आणि कोर काँक्रिटचे नमुने देखील चाचणीसाठी घेतले जातील.

गोव्यात 2017 मध्ये सावर्डेत एक फूटब्रिज कोसळला होता. आत्महत्या केलेल्या व्यक्तीचा मृतदेह बाहेर काढण्यासाठी येथे मोहिम सुरू होती. त्यावेळी येथे 40 लोक जमले होते. या अपघातात तीन मृत्यू झाले होते.

ऑगस्ट महिन्यात एक दाम्पत्य आणि चिमुकली यांची गाडी सांगे येथे पुलावरून कोसळली होती. त्यात तिघांचाही मृत्यू झाला होता.

अशा घटनांमुळे PWD ने राज्यातील सर्व रस्त्यांचे सेफ्टी ऑडिट करण्याचा निर्णय घेतला होता. सध्या या प्रकल्पासाठी निविदा नोंदवण्याची प्रक्रिया सुरू असून लवकरच निविदा उघडल्या जातील. या लेखापरीक्षणात राज्यभरातील सुमारे 1,134 किलोमीटरचे प्रमुख जिल्हामार्ग आणि सुमारे 4,430 किलोमीटरच्या गावातील रस्त्यांचा समावेश असेल.

जिल्‍ह्याच्‍या आणि गावच्‍या रस्‍त्‍याच्‍या रोड ऑडिटमध्‍ये साइनेज, स्‍पीड ब्रेकर्स, रस्‍त्‍याचे जिओमेट्रिक्स, ओव्हरटेकिंग डिस्‍टन्स, थांबण्‍याचे अंतर आणि वळणे यांचाही अभ्यास यात असेल.