Goa: शिक्षकांना सक्षमपणे कार्यरत ठेवण्यासाठी भाजपचा स्वतंत्र विभाग

पणजी : भाजपने (Goa Bjp) शिक्षक विभाग स्थापन केला आहे. (Teachers Sale) या विभागाच्या समन्वयकपदी बाबाजी सावंत (babaJi Sawant) यांची नियुक्ती करण्यात आली आहे. भाजपचे प्रदेशाध्यक्ष सदानंद शेट तानावडे (Sadanand Shet Tanavade) यांनी येथे पत्रकार परिषदेत ही माहिती दिली. ते म्हणाले, गेल्या काही दिवसांपासून भाजपच्या वतीने नवीन विविध विभाग स्थापन करण्यात येत आहेत. गरज आणि मागणीनुसार सध्या कार्यरत असलेल्या विविध मोर्चा आणि विभागांसह नवीन विभागही कार्यरत करण्यात आले आहेत. कोरोना महामारीच्या पार्श्‍वभूमीवर प्राथमिकपासून (Primary Education) उच्च शिक्षणापर्यंत (Higher Education) विविध समस्या निर्माण झाल्या आहेत. याचा परिणाम अर्थातच शिक्षकांच्या कामावर होत आहे. तसेच यादरम्यान शिक्षकांच्या समस्या, अडचणी आणि प्रश्‍नही निर्माण झाले आहेत. या सर्वांवर मात करण्यासाठी तसेच शिक्षकांना सक्षमपणे कार्यरत ठेवण्यासाठी भाजपने शिक्षक विभाग सुरू केल्याची माहिती त्यांनी दिली.

या विभागाच्या सदस्यपदी सागर वेळीप, (Sagar Velip) लेखराज नाईक, रूपेश गावस, (Rupesh Gavas) वसंत सैल, अनुप नाईक, (Anup Naik) समीर नाईक, सुदेश गावकर, कपिल भंडारी, श्रीनिवास पाटील, नीलेश नाईक, रजनीकांत सावंत, निकिता नाईक आदींची निवड करण्यात आली असल्याचे तानावडे यांनी सांगितले. यावेळी नवीन विभागाच्या सर्व सदस्यांचे स्वागत करण्यात आले. प्रदेश सरचिटणीस दामोदर नाईक (Damodar Naik) यांनी स्वागत आणि आभार मानले.