दाबोळी : मुरगाव मतदारसंघात भाजपतर्फे (Marmgoa BJP) तिरंगा सायकल रॅलीचे (Bicycle rally) आयोजन स्वातंत्र्याच्या (Independence Day) अमृतमहोत्सवी वर्षानिमित्त करण्यात आले होते. मुरगाव भाजप गटाध्यक्ष संजय सातार्डेकर (Sanjay Satardekar) यांनी या रॅलीचा शुभारंभ केला. यावेळी गटाध्यक्ष संजय सातार्डेकर यांनी मुरगाव मतदारसंघात मंत्री मिलिंद नाईक (Milind Naik) यांच्या नेतृत्वाखाली मुरगावचा चौफेर विकास चालू असून भारताचे पंतप्रधान नरेंद्र मोदी यांच्या मार्गदर्शनाखाली भारत देशात विकासाची गंगा वाहत आहे, असे सांगितले.
तिरंगा सायकल रॅलीला मंत्री मिलिंद नाईक यांच्या बोगदा येथील शासकीय निवासापासून सुरवात करण्यात आली. नंतर ती जेटी, हेडलँड सडा, रूमडावाडा, बायणा व शेवटी बायणा समुद्रकिनाऱ्यावर सांगता झाली. या सायकल रॅलीत सहभागी झालेल्यांना प्रशस्तिपत्रे देण्यात आली. यावेळी गटाध्यक्ष संजय सातार्डेकर, नगरसेविका कुणाली पार्सेकर, नगरसेवक रामचंद्र कामत, दामोदर नाईक, लिओ रॉड्रिगीस तसेच मुरगाव भाजप युवा मोर्चाचे अध्यक्ष सोमनाथ बांदेकर उपस्थित होते. एकूण ६० जणांनी या सायकल रॅलीत भाग घेतला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
