Goa: डिचोली शांतादुर्गा देवस्थानात आषाढी एकादशीला भजनी सप्ताह

गावकरवाडा-डिचोली येथील श्री शांतादुर्गा देवस्थानात (Shantadurga Temple) येत्या मंगळवारी आषाढी एकादशी विविध कार्यक्रमांनिशी साजरी करण्यात येणार आहे.
Dicholi: Shantadurga Temple
Dicholi: Shantadurga TempleDainik Gomantak

डिचोली: गावकरवाडा-डिचोली येथील श्री शांतादुर्गा देवस्थानात (Shantadurga Temple) येत्या मंगळवारी आषाढी एकादशी विविध कार्यक्रमांनिशी साजरी करण्यात येणार आहे. त्यानिमित्त चोवीस तास अखंड भजनी सप्ताह होणार आहे. श्री शांतादुर्गा देवस्थान ग्रामस्थ गावकर मंडळ ट्रस्टतर्फे हा उत्सव साजरा करण्यात येणार आहे. सकाळी देवीस अभिषेक आदी विधी पार पाडल्यानंतर देवीची सजावट करण्यात येणार आहे.

दुपारी 12.30 वा. चार चौगुले ग्रामस्थ गावकर मंडळीकडून समई प्रज्वलित करून अखंड भजनी सप्ताहाला प्रारंभ होणार आहे. बुधवारी दुपारी 12.30 वा ग्रामस्थ गावकर, भाविक व महिला दिंडी पथकासह श्री विठ्ठलनामाच्या गजराने मंदिराभोवती पाच प्रदक्षिणा घालून मंदिरात आल्यानंतर पुजाऱ्यांकडून देवीस व पंचायतन देवदेवतांना नैवेद्य, आरती, गाऱ्हाणे व तीर्थप्रसाद होणार आहे. रात्री 7.30 वा. पुराण वाचन, धुपारती आदी विधी झाल्यानंतर या उत्सवाची सांगता होणार आहे.

Dicholi: Shantadurga Temple
Goa: डिचोली रोटरी क्लबतर्फे 'स्टेप-अप' कोविड केंद्राला 'मॉनिटर सिस्टिम'

भजनी सप्ताह

चोवीस तास चालणाऱ्या भजनी सप्ताहात ग्रामस्थ गावकर, देव बंदरकर (दाऱ्यातील) भजनी मंडळ, श्री. संदीप वसंत च्यारी आणि कुटुंबिय, श्री म्हात्राई महिला भजनी मंडळ, कु. निकिता श्यामू गावकर आणि कुटुंबिय, श्री शांतादुर्गा महिला दिंडी मंडळ, सुरज सहकारी आणि भजन मंडळ, गावकरवाडा बाल हौशी घुमट आरती मंडळ, स्थानिक भजनी कलाकार, श्री शांतादुर्गा महिला दिंडी मंडळ आणि आनंदी महिला भजनी मंडळातर्फे भजन सादर करण्यात येणार आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com