Goa: भ्रष्टाचाराच्या कथित आरोपावरून (Allegation of Corruption) राजकीय क्षेत्रात खळबळ माजली असतानाच, डिचोलीचे आमदार तथा सभापती राजेश पाटणेकर (Speaker Rajesh Patnekar) तातडीने दिल्लीला गेल्याने डिचोलीत अनेक तर्कवितर्क वर्तविण्यात येत आहेत. मात्र, सभापती पाटणेकर यांच्याशी संपर्क साधला असता, आपण कार्यालयीन कामाकाजानिमित्त दिल्लीत गेल्याचे त्यांनी स्पष्ट केले आहे.
मेघालयाचे राज्यपाल सत्यपाल मलिक यांनी गोव्यातील मुख्यमंत्री डॉ. प्रमोद सावंत सरकारवर भ्रष्टाचाराचा गंभीर आरोप केल्यानंतर राजकीय क्षेत्रात प्रचंड खळबळ माजली आहे. विरोधी पक्षांनी तर मुख्यमंत्री डॉ. सावंत यांच्या राजीनाम्याची मागणी केली आहे. याच पार्श्वभूमीवर सभापती पाटणेकर यांच्या दिल्लीवारीमुळे डिचोलीत राजकीय चर्चेला ऊत आला आहे. कार्यकर्ते एकमेकांकडे चौकशीही करीत होते. मात्र, तसे काहीच नाही. आपण कार्यालयीन कामानिमित्त दिल्लीत गेल्याचे सभापतींनी स्पष्ट केले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
