Goa Assembly: सभापतीने बंदी घातली अन् सत्ताधारी आमदाराच आला काळ्या कपड्यात, विजय सरदेसाईंनी संधी साधली

Goa Assembly Monsoon Session 2024: विधानसभा प्रवेशद्वारावर काळ्या वस्त्रांचा ढीग पाहायला मिळाला.
Goa Assembly: सभापतीने बंदी घातली अन् सत्ताधारी आमदाराच आला काळ्या कपड्यात, विजय सरदेसाईंनी संधी साधली
MLA Nilesh Cabral And Vijai SardesaiDainik Gomantak
Published on
Updated on

गोवा विधानसभा अधिवेशनाचा दुसरा आठवडा सुरु आहे. अधिवेशन सुरु असताना सभागृहात येणाऱ्या पत्रकार, विद्यार्थी आणि अभ्यागतांना काळी कपडे परिधान करुन येण्यास बंदी घातली.

सभागृहात प्रवेश करण्यापूर्वी त्यांना काळी वस्त्रे काढून ठेवण्यास लावण्यात आली. मंगळवारी सत्ताधारी आमदार काळी कपडे घालून आल्याने आमदार विजय सरदेसाईंनी संधी साधत सरकारवर टोमणा मारला.

अधिवेशन सुरु असताना सभागृहात येणाऱ्या पत्रकार, अधिवेशन कामकाज पाहण्यासाठी आलेल्या विद्यार्थी आणि अभ्यागतांना त्यांच्या अंगावरील काळी वस्त्रे काढून ठेवण्यास लावली. यात अंगावर काळे जॅकेट असले तरी काढून ठेवण्यास लावले. विधानसभा प्रवेशद्वारावर काळ्या वस्त्रांचा ढीग पाहायला मिळाला.

दरम्यान, मंगळवारी कामकाजादरम्यान सत्ताधारी पक्षाचे आमदार माजी मंत्री निलेश काब्राल हेच काळे कापडे परिधान करुन आल्याचे दिसून आले. प्रश्नोत्तराच्या काळात काब्राल यांनी राज्यातील जमीन हडप प्रकरणाचा मुद्दा उपस्थित केला.

यात त्यांनी एसआयटी तपास करत असताना प्रकरण कोर्टाकडे का पाठवले जात आहे आणि ते कोणत्या कोर्टाकडे पाठवले जात आहे? याबाबत मुख्यमंत्री डॉ. सावंत यांनी प्रश्न विचारले.

Goa Assembly: सभापतीने बंदी घातली अन् सत्ताधारी आमदाराच आला काळ्या कपड्यात, विजय सरदेसाईंनी संधी साधली
पहिले बक्षीस 2BHK आणि 27 लाख रुपये! गोव्यातील गणेशोत्सवाची दीड कोटींची बक्षीसं तुम्हाला आश्चर्यचकीत करतील

काब्राल यांचा प्रश्न संपल्यानंतर आमदार विजय सरदेसाई प्रश्न विचारण्यासाठी उभे राहिले असता त्यांनी काब्राल यांच्या काळ्या कपड्यांवरुन सरकारवर निशाना साधला. डबल इंजिन सरकार व्यवस्थित चालेना म्हणून निषेधार्थ काब्राल काळे कपडे घालून आल्याचा टोमणा सरदेसाईंनी मारला.

प्रश्नोत्तराच्या काळात मंगळवारी नवीन बोरी पुलाबाबत बाधित होणाऱ्या घरांचा मुद्दा उपस्थित करण्यात आला. यावर उत्तर देताना पुलासाठी एकही घर पाडले जाणार नाही, असे मुख्यमंत्र्यांनी जाहीर केले. तसेच, जमीन हडप प्रकरणावरुन सत्ताधारीसह विरोधी बाकावरील आमदारांनी मुख्यमंत्री तथा गृहमंत्री प्रमोद सावंत यांना धारेवर धरले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com