सरदेसाईंनी CM, कृषिमंत्र्यांना भेट दिला सडका तांदूळ; ...म्हणाले 'खीर बनवून मला जेवायला बोलवा'

Goa Assembly Monsoon Session 2023: राज्यात रास्त भाव दुकानातून मिळणाऱ्या सडक्या तांदळाचा विषय आज आमदार विजय सरदेसाई यांनी सभागृहात उपस्थित केला. सडका तांदूळ वितरत केल्याबाबत सरदेसाई यांनी चिंता व्यक्त केली.

तसेच, सोबत तीन खराब तांदूळ असलेली पाकीटे मुख्यमंत्री प्रमोद सवांत, कृषिमंत्री रवी नाईक आणि संचालक यांच्यासाठी ती पाकीटे आणल्याचे त्यांनी सांगितले. या तांदळाचा भात करून कसा होतो मला सांगा वाटल्यास मला जेवायला बोलवा असे सरदेसाई म्हणाले.

आमदार विजय सरदेसाई प्रश्न उपस्थित करताना तांदळाचे तीन पाकीटे सभागृहात आणली आणि मार्शेल मार्फत मुख्यमंत्री आणि कृषिमंत्री यांना वितरीत करण्यात आली. यावेळी सरदेसाई यांनीश्रावणाचा महिना सुरू असून, तांदळाची चांगली खीर करा आणि मला जेवायला बोलवा असा खोचक टोला लगावला.

यावेळी मुख्यमंत्री प्रमोद सावंत यांनी सरकारकडून तांदूळ वितरीत केल्यानंतर, तो खराब होणार नाही याची काळजी रास्त भाव दुकानदाराने घेणे अपेक्षित आहे. असे उत्तर मुख्यमंत्र्यांनी दिले. दरम्यान, रास्त भाव दुकानातूनच हा तांदूळ आणला असल्याचे देखील सरदेसाई यांनी स्पष्ट केले.

याचवेळी कृषिमंत्री रवी नाईक यांनी गोदामातून तांदूळ वितरित केल्यानंतर रास्त भाव दुकानदारांनी त्याची काळजी घेणे अपेक्षित आहे. पण, पोत्याला पाणी लागल्यानंतर त्यातील तांदूळ सडतो असे उत्तर कृषिमंत्री रवी नाईक यांनी दिले.

पावसामुळे राज्यातील पीकाचे नुकसान झाले पण, लागलेल्या वणव्यामुळे झाले नाही. तसेच, एकही शेतकऱ्यांनी नुकसान भरपाईसाठी अर्ज केला नाही. असे कसे? असा सवाल आमदार विजय सरदेसाई यांनी उपस्थित केला.