Aleixo Sequeira: सासष्टी काँग्रेसचा नव्हे तर भाजपचाच बालेकिल्ला

Aleixo Sequeira भाजपला बळकट करण्यासाठी मी सासष्टीमध्ये नक्की काम करेन, कारण सासष्टी मध्ये भाजपच्या विचारसरणीची आणि भाजपला मानणारी जनता आहे.

त्यामुळे तुम्ही सासष्टी हा काँग्रेसचा बालेकिल्ला आहे असे तुम्ही मानू शकत नाही असे मत सावंत सरकारच्या मंत्री मंडळात वर्णी लागलेले आलेक्स सिक्वेरा यांनी केले आहे.

सासष्टीमध्ये भाजप विस्तारण्यासाठी मी पूर्ण ताकदीनिशी प्रयतन करेन. सासष्टीतील जनता नक्कीच भाजपला बहुमत देईल. याच संदर्भात आमच्याकड नावेलीचे उदाहरण असल्याचेही सिक्वेरा यांनी बोलून दाखवले.

सार्वजनिक बांधकाम खात्याच्या अभियंत्यांचा 345 पदांचा कथित भरती घोटाळा भाजप सरकारवर शेकला. या खात्याचे मंत्री नीलेश काब्राल यांना दिल्लीतून

पक्षश्रेष्टींनीं राजीनामा देण्यास सांगितल्यावर काँग्रेसमधून भाजपमध्ये दाखल झालेले आलेक्स सिक्वेरा मंत्रिमंडळात वर्णी लागली. त्यांनी परंपरागत कॉंग्रेसचा हात सोडून भाजपला साथ दिली असली तरी, त्यांच्यावर समर्थकांकडून नाराजी नाही.

नुवे मतदारसंघातून बिनविरोध निवडून येण्याची किमयाही त्यांनी साधली आहे. मंत्रिपदी वर्णी लागली त्यांना आता कोणती खाती मिळणार याकडे साऱ्यांचे लक्ष आहे.

काँग्रेसमधून आठ आमदार भाजपमध्ये दाखल झाले होते. या आमदारांपैकी दिगंबर कामत आणि आलेक्स सिक्वेरा यांचे नाव मंत्रीपदासाठी नेहमी आघाडीवर होते. अखेर आता त्यातील आलेक्स सिक्वेरा यांची मंत्रिमंडळात वर्णी लागली आहे.