Goa: गणेश पूजन कुठे करावे हा यक्षप्रश्न; महादेव फडते यांचे भावनिक साद

घर उभारण्यासाठी मन धजावत नाही, आयुष्यात पहिल्यांदाच एवढे हतबल होण्याची पाळी आपल्यावर आली आहे. हे उदगार आहेत फोंडा तालुक्यातील गांजे येथील ज्येष्ठ नागरिक महादेव विठ्ठल फडते (Senior citizen Mahadev Vitthal Phadte) यांचे घर गोव्यात आलेल्या पूरामुळे जमिनदोस्त झाले आहे.
महादेव विठ्ठल फडते आपल्या  जमीनदोस्त झालेल्या घरासोबत
महादेव विठ्ठल फडते आपल्या जमीनदोस्त झालेल्या घरासोबत संदीप देसाई

पणजी: गणेश चतुर्थी (Ganesh Chaturthi) जवळ येत आहे. दुसरीकडे घर पूर्णपणे जमीनदोस्त झालेले आहे . त्यामुळे यंदा गणेश मूर्तीचे पूजन कुठे करावे ? हा यक्षप्रश्न आपल्यासमोर आहे . पूरामुळे घर जमीनदोस्त (Landslides due to floods) झाल्यानंतर सरकारकडून (Government) दोन लाखाची मदत मिळालेले आहे. मात्र नवे घर उभारण्यासाठी मन धजावत नाही.

महादेव विठ्ठल फडते आपल्या  जमीनदोस्त झालेल्या घरासोबत
Goa: सव्वा महिन्यानंतरही पूरग्रस्त भागातील लोक मदतीच्या प्रतिक्षेत

म्हादयीच्या काठावर घर असल्यामुळे म्हादयीला पुन्हा पुर आला तर ? हा प्रश्न मनात नेहमी सतावत आहे. आयुष्यात पहिल्यांदाच एवढे हतबल होण्याची पाळी आपल्यावर आली आहे. हे उदगार आहेत फोंडा तालुक्यातील गांजे येथील ज्येष्ठ नागरिक महादेव विठ्ठल फडते यांचे म्हादयीच्या किनार्‍यावर असलेल्या गांजे गावातील श्री गांजेश्वरी मंडपा जवळील चार घरे पूरामुळे पूर्णपणे जमीनदोस्त झाली आहेत.

यामध्ये महादेव फडते , शांबा पडते, सूर्या गावकर व संदेश नाईक यांच्या घरांचा समावेश आहे. येथील मंडपात निर्विकार चेहऱ्याने बसलेले महादेव फडते यांच्याशी आमच्या प्रतिनिधीनी आज संवाद साधला. त्यावेळी आपल्या पडलेल्या घराकडे शून्यात पहात महादेव फडते म्हणाले की आयुष्याच्या उतारवयात मोठं संकट आपल्या कुटुंबावर आलं. आपलं घर जमीनदोस्त झालं आणि राहण्याची जागाही निसर्गाने हिरावून घेतली. म्हादयीचा पूर इतका वरपर्यंत येईल असे कधीच वाटले नव्हते. घराच्या

महादेव विठ्ठल फडते आपल्या  जमीनदोस्त झालेल्या घरासोबत
Goa Floods: पूरग्रस्त भागात मदतीचा ओघ सुरुच

अर्ध्या भागापर्यंत पूर आला आणि घर कोसळून गेले .सामान बाहेर काढणेही शक्य झाले नाही. गणेश पूजनासाठी आता जागा शोधावी लागणार आहे. नपेक्षा जवळच्या श्री गांजेश्वरी मंडपात गणेश पूजन करावे लागणार आहे. आयुष्यात पहिल्यांदाच घराच्याबाहेर

गणेश पूजन करावे लागणार असल्याचे यावेळी महादेव फडते यांनी सांगितले. चतुर्थी नंतर घर बांधण्यास सुरुवात करावीच लागणार असल्याचेही त्यांनी एका प्रश्‍नावर बोलताना सांगितले.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com