Goa: बलात्काराचा आरोप असलेल्या कैद्याचा कारागृहातच मृत्यू

पणजी: कोलवाळ मध्यवर्ती तुरुंगात बलात्काराच्या आरोपाखाली असलेल्या कच्चा कैदी बाला नाईक याचा काल कारागृहातच मृत्यू झाला आहे . तुरुंगामध्ये ज्यादा औषधाच्या गोळ्या घेतल्याने त्याचा हा मृत्यू झाल्याची माहिती मिळत आहे .(Goa)

कारागृहाचे अतिरिक्त तुरुंग महानिरीक्षक वासुदेव शेट्ये यांनी दिलेल्या माहितीनुसार कच्चा कैदी बाला नाईक याला काल सकाळी अस्वस्थ वाटू लागल्याने म्हापशातील जिल्हारुग्णालयात दाखल करण्यात आले होते त्यावेळी त्याच्या मधुमेहाचे प्रमाण अधिक वाढल्याने त्याच्यावर प्राथमिक उपचार करून पुन्हा तुरुंगात पाठवण्यात आले मात्र काल संध्याकाळी तो तुरुंगातील खोलीत बेशुद्धावस्थेत आढळून आल्याने त्याला त्वरित जिल्हा रुग्णालयात नेण्यात आले होते. तेथे डॉक्टरांनी त्याला मृत घोषित केले अशी माहिती शेट्ये यांनी दिली आहे. याप्रकरणी पुढील चौकशी सुरू असल्याचे त्यांनी सांगितले आहे .