Goa Accidental Death: अपघाती मृत्यूंच्या प्रमाणात वाढ! वेर्णा येथे ट्रकच्या धडकेत कारचालकाचा दुर्दैवी अंत

Goa Accidental Death at Verna: गोव्यातील अपघातांचे प्रमाण काही कमी होण्याचे नावच घेताना दिसत नाही. आज (रविवारी) सकाळी झालेल्या अपघातात एका मृत्यूची नोंद करण्यात आली आहे. वेर्णा येथे हा अपघात घडला आहे. एक ट्रक आणि कारमध्ये जोरदार धडक बसल्याचे सांगण्यात येत आहे.

माहितीनुसार, ट्रक आणि कारमध्ये झालेल्या धडकेत कारचालक (मॅकआर्थर परेरा, 23, उतोर्डा) याचा जागीच मृत्यू झाला. या घटनेमुळे परिसरात खळबळ माजली आहे.

गोव्यातील वाढते अपघात हे सध्या डोकेदुखीचे कारण बनले आहे. 2022 च्या तुलनेत 2023 मध्ये अपघातांचे आणि त्यात होणाऱ्या मृत्यूंचे प्रमाण वाढले आहे. यामुळे वाहतूक विभाग अधिकच सतर्क झाला असून वाहनचालकांना नियमांचे काटेकोर पालन करण्याचे आवाहन करण्यात येत आहे.

दरम्यान, असाच एक प्रकार काही दिवसांपूर्वी घडला होता. गवंडाळी येथील जंक्शनवर शुक्रवारी सकाळी 9.30वा. टेम्पो व दुचाकी यांच्यात झालेल्या अपघातात सांतइस्तेव येथील पोलिस कर्मचारी प्रदीप परब हे जागीच ठार झाले, तर मागे बसलेली त्यांची पत्नी जखमी झाली.

विशेष म्हणजे, प्रदीप यांनी हेल्मेट घातले होते; परंतु टेम्पोच्या धडकेने ते खाली पडले आणि डोके रस्त्यावर आपटून त्यांचा दुर्दैवी मृत्यू झाला.