Bicholim Accident: डिचोली बायपासवर ट्रकची व्हॅनला धडक; विचित्र अपघात, 25 मीटर फरकटत नेले

Bicholim Accident: डिचोली येथील बायपासवर बुधवारी, 30 ऑगस्ट रोजी दुपारी एक अपघात झाला. एका ट्रकने भाजीची वाहतूक करणाऱ्या व्हॅनला (GA 04 2549) धडक दिली.

या धडकेत व्हॅनचे नुकसान झाले आहे. सुमारे 25 मीटरपर्यंत ट्रकने व्हॅनला फरफटत नेले.

दोन्ही गाड्या एकमेकांत अडकून पडल्या आहेत. त्यामुळे येथे काही काळ वाहतूक कोंडी झाली होती.

ट्रकने आधी व्हॅनला धडक दिली. नंतर ट्रक आणि डिव्हायडरच्या मध्ये या ही व्हॅन अडकली होती आणि ती तशीच फरफटत नेली. पुढे जाऊन व्हॅनची दिशा बदलली आणि ती डिव्हायडर शेजारील खांबाला थडकली.

सुदैवाने या अपघातात कुणालाही गंभीर दुखापत झालेली नाही. या अपघातामुळे येथील वाहतूक काही काळ विस्कळीत झाली होती.

या अपघाताला जबाबदार असलेल्या ट्रकचालकाने ब्रेक का मारला नाही, याचे कोडे या अपघातावेळी कुणालाच उगलडले नाही. त्यावरून सर्वजण ट्रकचालकाला दोष देत होते.