Goa Accident: गोव्यात रविवारी रशियन पर्यटकाच्या दुचाकीच्या धडकेत स्थानिक महिला जखमी झाली. उत्तर गोव्यातील मोरजी येथे हा अपघात झाला. प्रीती शेडगावकर असे जखमी महिलेचे नाव आहे. तिला उपचारासाठी जवळच्या रूग्णालयात दाखल करण्यात आले.
मोरजी हा गोव्यातील सुप्रसिद्ध किनारी भाग आहे. येथे मोठ्या प्रमाणात परदेशी पर्यटकांची वर्दळ असते. विशेष म्हणजे, अपघात ग्रस्त रशियन पर्यटकाच्या गाडीवर पांढऱ्या रंगाची नंबरप्लेट आहे. त्यांच्यावर कडक कारवाई केली जावी, अशी मागणी स्थानिकांनी केली आहे.
टी ०७ २३ एचपी ७०३१ एफ असा अपघातग्रस्त दुचाकीचा क्रमांक आहे. संबंधित रशियन पर्यटकाकडे वाहतूक परवाना नव्हता. भरधाव वेगाने आलेल्या रशियन पर्यटकनाने थेट महिलेला धडक दिली. रशियन पर्यटकाकडील गाडीही खासगी आहे.
येथे अनेकदा पर्यटक वेगाने गाड्या चालवत असतात. त्यांच्यावर कसलेही नियंत्रण नाही. वाहतूक पोलिसांना वारंवार सांगुनही येथे काही ठिकाणी साईन बोर्ड उभारलेले नाहीत.
अशा अपघातांना कुणाला कारणीभूत धरायचे, असा सवाल संतप्त स्थानिकांनी केला आहे. नो पार्किंग बोर्ड असूनही त्याकडे सर्रास दुर्लक्ष केले जाते, असा आरोप स्थानिकांनी केला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.