अमानुषतेचा कहर! उकळलेले पाणी ओतलेल्या 'त्या' कुत्राच्या पिल्लाचा दुर्दैवी अंत

Dog Death in Colva: जंगली प्राण्याच्या शिकारीसाठी ठेवलेल्या गावठी बाँबचा स्फोट होऊन एका रानटी डुकराचे तोंड फुटल्याची घटना ताजी असतानाच कोलवा येथील एका पाळीव कुत्र्यावर अज्ञाताने उकळलेले पाणी ओतण्याचा प्रकार घडला. यामध्ये त्या कुत्राच्या पिल्लाच्या शरीरावर गंभीर जखमा झाल्या. उपचार सुरू असताना पिल्लाचा दुर्दैवी अंत झाला आहे.

सदर घटनेची माहिती फिडॉल परेरा यांनी दिली. फिडॉल परेरा माजोर्डा येथे राहत असून त्या एक प्राणीप्रेमी आहेत. फिडॉल आजारी, जखमी आणि अपंग कुत्र्यांची काळजी घेण्यासाठी ओळखल्या जातात.

कोलवा मध्ये जेव्हा पाळीव कुत्र्यावर जेव्हा उकळलेले पाणी ओतण्याचा प्रकार घडला तेव्हा फिडॉल यांनी याबाबत आवाज उठवत सदर घटनेचा निषेध केला.

या अमानुष कृत्य करणाऱ्या अज्ञाताविरुद्ध कोलवा परिसरात तीव्र नाराजी व्यक्त केली जात आहे. पिल्लाच्या निधनाने सर्वत्र हळहळ व्यक्त होत आहे. त्यामुळे आरोपींवर पोलिसानी लवकरात लवकर कठोर कारवाई करावी अशी मागणी करण्यात येत आहे.