Goa Accident Case: बिंबल बंधारा ठिकाणी अज्ञात मृतदेह सापडला

Goa Accident Case कुळे पोलिस स्थानकांच्या हद्दीत बिंबल बंधारा ठिकाणी अज्ञात व्यक्तीचा मृतदेह आढळुन आला आहे. मृतदेह अद्याप पाण्यातच असून पोलिस घटनास्थळी दाखल झाले आहेत. तसेच या ठिकाणी अग्नीशामक दलाला देखील पाचरण करण्यात आले आहे. सदर मृतदेह पाण्याबाहेर काढल्यानंतरच त्या मृतदेहाची ओळख पटवणं शक्य होणार आहे.

तर दुसऱ्या एका घटनेत शिगाव येथे पुरातत्व खात्याअंतर्गत सुरक्षा रक्षक म्हणून काम करणारा लक्ष्मण शेळके (वय 27, रा. काले) हा बेपत्ता असून त्याचे चप्पल,कपडे व मोबाईल नदीच्या काठावर मिळाल्याने एकाच खळबळ उडाली आहे. ग्रामस्थ व शेळके कुटुंबीयातर्फे लक्ष्मणचा शोधा घेणं सुरु असून बऱ्याच तर्कवितर्काना उत आला आहे.