सासष्टी : आम आदमी पक्षाच्या (Aam Aadmi Party) उपाध्यक्षा प्रतिमा कुतिन्हो (Pratima Coutinho) यांच्या नेतृत्वाखाली काल कॉग्रेस (Congress) पक्षातून फुटून भाजप पक्षात गेलेल्या दहा आमदारापैकी नुवेचे आमदार बाबाशान डिसा (Babashan Disa) यांना केक देण्यासाठी गेले होते. पण, यात बाबाशानच्या कार्यकर्त्यांनी आपच्या कार्यकर्त्यांना आर्वाच्च शिवीगाळ दिल्याचा दावा करीत करुन बाबाशान यांनी माफी मागावी, अशी मागणी घेऊन आप कार्यकर्त्यांचा झुंड आज बाबाशानच्या घरी पोहचला. त्यामुळे बाबशानचे कार्यकर्ते आणि आपचे कार्यकर्ते पुन्हा थेट एकमेकांशी भिडल्याचं पाहायला मिळालं. नंतर पोलिसांना मध्यस्थी करुन आप कार्यकर्त्यांना हटविले.
कॉग्रेस पक्षातून फुटून भाजप पक्षात गेलेल्या दहाही आमदारांना केक देण्यासाठी काल आम आदमी पक्षाचे कार्यकर्ता गेले होते. नुवेचे आमदार विल्फ्रेड (बाबाशान) डिसा यांना केक देण्यासाठी गेले असता, आम आदमी पक्षाच्या कार्यकर्त्यांना बाबाशान यांच्या कार्यकर्त्यांनी शिवीगाळ करुन केल्याचा दावा करीत आप आदमी पक्षाचे अध्यक्ष रुपेश म्हांबे, उपाध्यक्षा प्रतिमा कुतिन्हो आणि आपच्या कार्यकर्त्यांनी बाबाशान यांच्या घरी पोहचून माफी मागण्याची मागणी केली.
आप कार्यकर्त्यांचा झुंड एकत्र झाल्यावर बाबाशान कार्यकर्ते आक्रमक झाले. नंतर पोलिसांनी घटनास्थळी पोहचून दोन्हीही कार्यकर्त्यांना हटवून स्थिती नियंत्रणात आणली. यावेळी आमदार बाबशनसह त्यांच्या पत्नी फ्रिडा डिसा, वेर्णा, नुवे, लोटली, माजोर्डा, माजी जिल्हा पंचायत नॅली रोड्रीगीस व सर्व कार्यकर्ते त्यांच्या समर्थनास जमले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
