37th National Games गोव्यातील 37 व्या राष्ट्रीय क्रीडा स्पर्धेत खेळण्यासाठी खास अमेरिकेहून आलेल्या आकांक्षा साळुंखे हिने विश्वास सार्थ ठरविताना महिलांत अंतिम फेरी गाठली, त्यामुळे रविवारी यजमानांच्या खाती सुवर्ण किंवा रौप्यपदकाची भर पडणार हे निश्चित.
चिखली-वास्को येथील क्रीडा संकुलात स्क्वॉश स्पर्धा सुरू आहे. आकांक्षाने शनिवारी उपांत्य लढतीत महाराष्ट्राच्या ऊर्वशी जोशी हिला 3-0 (11-7, 11-9, 11-1) अशा फरकाने नमविले. तमिळनाडूची पूजा आरती हिच्याविरुद्ध आकांक्षाची सुवर्णपदकासाठी लढत होईल. पूजा हिने प्रतिस्पर्धी खेळाडूवर 3-0 (11-6, 11-8, 11-8) अशी मात केली.
राष्ट्रीय पातळीवर ज्युनियर स्क्वॉशमध्ये गोव्यातर्फे सातत्यपूर्ण कामगिरी केलेली 24 वर्षीय आकांक्षा सध्या न्यूयॉर्कमध्ये स्क्वॉशचे प्रशिक्षण घेते, तसेच तेथे खेळतही आहे.
37 व्या राष्ट्रीय क्रीडा स्पर्धेत आकांक्षाने गोव्यातर्फे खेळावे यासाठी क्रीडामंत्री गोविंद गावडे यांनी खास निमंत्रण दिले होते, त्यास मान देऊन ती स्पर्धेसाठी अमेरिकेहून दाखल झाली आणि आता अंतिम फेरी गाठून गोव्याचे पदक निश्चित केले.
स्पर्धेतील सहभागासाठी तिला गोवा असोसिएशन ऑफ स्क्वॉशचे अध्यक्ष पंकज जोशी यांचे सहकार्य लाभले.
वुशू खेळात गोव्याला तिसरे पदक
37 व्या राष्ट्रीय क्रीडा स्पर्धेत शनिवारी गोव्याला वुशू खेळात रौप्यपदक मिळाले. राज्याला या खेळात मिळालेले हे दुसरे सुवर्ण, तर एकंदरीत तिसरे पदक ठरले.
पुरुषांच्या तोऊलो प्रकारात शेरबहादूर रौप्यपदकाचा मानकरी ठरला. यापूर्वी वुशू खेळात गोव्यासाठी रोशन कारकी याने रौप्य, तर जनिव्हा फर्नांडिस हिने ब्राँझपदक जिंकले होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
