डिचोली, येथील विद्यावर्धक मंडळ (Vidhyavardhak Mandal) संचालित, श्री शांतादुर्गा उच्च माध्यमिक विद्यालयासाठी (Shri. Shantadurga High-School, Bicholim) विस्तारीत इमारत प्रकल्प बांधण्यात येणार आहे. या प्रकल्पासाठी (School Building Project) साधारणतः तीन कोटी रुपये खर्च (3 Crore coast) येणार आहे, अशी माहिती विद्यावर्धक मंडळाचे अध्यक्ष विजय सरदेसाई यांनी विद्यावर्धक मंडळाच्या वार्षिक सर्वसाधारण सभेत दिली. ही सभा उच्च माध्यमिक विद्यालयाच्या सभागृहात खेळीमेळीच्या वातावरणात पार पडली. यावेळी मंडळाचे सचिव तथा सभापती राजेश पाटणेकर, उपाध्यक्ष सदाशिव वालावलकर, खजिनदार राजेश धोंड, साधनसुविधा विभागाचे व्यवस्थापक दिनेश मयेकर, क्रीडा अकादमीचे व्यवस्थापक अभिजित तेली आदी उपस्थित होते.
सुरवातीला विजय सरदेसाई यांनी उपस्थितांचे स्वागत केले. राजेश पाटणेकर यांनी मागील सर्वसाधारण सभेचे इतिवृत्त सादर केले. त्यानंतर चित्रफितीव्दारे मागील शैक्षणिक वर्षात ऑनलाईन अध्ययन, गरजू विद्यार्थ्यांना स्मार्टफोन आदी शैक्षणिक उपक्रमांचा आढावा घेण्यात आला. डॉ. कौस्तुभ पाटणेकर, शिवदत्त शेट्ये, मधुकर पाटणेकर, राघू बोर्डेकर आदींनी उपस्थित केलेल्या शंकांचे निरसन विजय सरदेसाई यांनी केले.
प्रकल्पाला 3 कोटी रुपये खर्च
उच्च माध्यमिक विद्यालयाच्या सध्याच्या प्रकल्पाला टेकूनच वाणिज्य, कला आणि व्यावसायिक विभागासाठी विस्तारीत इमारत बांधण्यात येणार आहे.पावसाळ्यानंतर प्रकल्पाचे काम हाती घेण्यात येणार असून, त्यावर 3 कोटी रुपये खर्च येणार आहे. विद्यावर्धक मंडळाचे अध्यक्ष विजय सरदेसाई यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
