दिग्गज कलाकारांच्या उपस्थितीत, धमाकेदार सादरीकरणाने झाले इफ्फीचे ग्रँड उद्घाटन; गोव्यातील ठळक बातम्या

मांद्रे मतदारसंघातील सर्व आमदार जीत आरोलकर समर्थक सरपंचांनी पत्रकार परिषदेत घेतला मायकल लोबोंचा समाचार. मांद्रेतील काळे धंदे बंद करण्याचाही दिला मायकलना सल्ला.

आमदार आरोलकर मांद्रे मतदार संघाचा विकास करण्यास कटीबध्द असून मुख्यमंत्र्यांनीही विकासासंदर्भात सहकार्य करायचे आश्वासन दिले आहे. त्यामुळे मायकल लोबोंनी मांद्रेची काळजी करू नये. मांद्रेतील सरपंचांचे एकमत.

IFFI Goa 2024 Opening Ceremony Watch Live

सहकार क्षेत्रात काही जणांच्या लुबाडणुकीच्या घटना समोर आल्यात, यात अनेकांचे कोट्यवधी रुपयांचे नुकसान झाले आहे. हा वेगळ्या प्रकारचा फ्रॉड आहे, असे मुख्यमंत्री डॉ. प्रमोद सावंत म्हणाले.

आगामी विधानसभा निवडणूक मांद्रेतून लढण्याबाबत सूचक वक्तव्य कळंगुटचे आमदार मायकल लोबो यांनी केले होते. यावर आता कळंगुटचे सरपंच जोसेफ सिक्वेरा यांनी प्रतिक्रिया देताना त्यांची इच्छा असेल तर आम्ही त्यांना रोखू शकत नाही, अशी प्रतिक्रिया दिली आहे.

आगामी गोवा विधानसभा निवडणुकीसाठी इच्छुकांची मांदीयाळी पाहायला मिळत आहे. मायकल लोबो यांनी मांद्रेतून लढण्याची इच्छा व्यक्त केल्यानंतर आता मांद्रेचे माजी सरपंच प्रशांत नाईक यांनीही मांद्रेतून लढण्याचा मानस व्यक्त केला आहे.

संत फ्रान्सिस झेवियर यांच्या एक्सपोझिशनसाठी एक हजार तर इफ्फी २०२४ साठी ३०० पोलीस तैनात करण्यात आले आहेत. नागरिकांसाठी एक्सपोझिशनच्या ठिकाणी कॅमेरा, धारदार वस्तू, तसेच ज्वलनशील वस्तू घेऊन जाण्यावर बंदी असेल.

नागरिकांनी कसल्याच प्रकारची मौल्यवान वस्तू परिधान करून एक्सपोझिशन च्या ठिकाणी येऊ नये, असे आवाहन पोलिस अधीक्षक अक्षत कौशल यांनी केले आहे.

पर्वरी हाऊसिंगबोर्डमध्ये प्लॉट देण्याचे आमिष दाखवून मडगावातील मुनीरूद्दीन खान व त्यांच्या अंध मुलीला भाटले पणजीतील सादिक शेख याने 8 लाखांचा गंडा घातला. यानंतर तक्रारदाराने मुख्यमंत्री डॉ. प्रमोद सावंत यांची भेट घेतली आणि त्यांना न्याय मिळवून देण्याचे मुख्यमंत्र्यांनी आश्वासन दिले आहे.

कुळे पोलिसांनी मोले मार्गावर तब्बल 16 हजार रुपये किमतीच्या 64 दारूच्या बाटल्या असलेली एक पेटी जप्त केली असून एकूण प्रकरणाचा पुढील तपास सुरू आहे.

आज बुधवारी (दि. 20 नोव्हेंबर) पासून गोव्यात डॉ. शामाप्रसाद मुखर्जी मैदानावर आंतरराष्ट्रीय चित्रपट महोत्सवाची सुरुवात होणार आहे.

महाराष्ट्र विधानसभा निवडणुकीतील 288 जागांसाठी मतदानाला आज (दि. 20 नोव्हेंबर) रोजी सुरुवात झाली आहे आणि संध्याकाळी 6 वाजता हे मतदान संपेल. यानंतर 23 नोव्हेंबर रोजी मतमोजणी होणार आहे.