कतार एअरवेजने नुकतेच येत्या २० जूनपासून दाबोळीवरील ऑपरेशन्स मोपावर स्थलांतरित करण्याची घोषणा केलीय. यानंतर दाबोळी विमानतळ घोस्ट होईल, अशी भीती विरोधकांकडून व्यक्त केली जात आहे.
दरम्यान, मनोहर आंतरराष्ट्रीय विमानतळावरील जीएमआर कंपनी दबावतंत्राचा वापर करत असल्याचा आरोप पंचायत आणि वाहतूक मंत्री माविन गुदिन्हो यांनी केला आहे.
रस्ते सुरक्षेशी संबंधित समस्यांचे निराकरण करण्यासाठी परिवहन विभाग, वाहतूक पोलिस, PWD आणि प्रमुख भागधारक यांच्या प्रतिनिधींसोबत पंचायत आणि वाहतूक मंत्री माविन गुदिन्हो यांनी यांच्या अध्यक्षेत बैठक पार पडली.
माविन गुदिन्हो यांनी रस्ता सुरक्षेच्या सद्यस्थितीचा आढावा घेतला आणि अपघातांच्या वाढत्या संख्येबद्दल चिंता व्यक्त केली. अपघात कमी करण्यासाठी PWD ला रस्त्याचे डिझाइन, सिग्नल आणि ट्रॅफिक सिग्नलवर सक्रियपणे काम करण्याचे आवाहन माविन यांनी केले.
सरकार राज्यातील अपघातांचा धोका कमी करण्यासाठी सर्व आवश्यक पावले उचलत आहे, असे मंत्री म्हणाले.
तसेच, लोकसभा निवडणुकीची आचारसंहिता लागू होण्यापूर्वी १२ ब्लॅक स्पॉट्सचे काम हाती घ्या. स्पीड गवर्नर नसलेल्या रेंट कॅब जप्त करुन त्यांचे परवाने रद्द करण्याचे निर्देश गुदिन्हो यांनी दिले.
याशिवाय राज्यातील ९० जागांवर एआय कॅमेरे बसविण्याचे, निर्देश वाहतूक मंत्री माविन गुदिन्हो यांनी अधिकाऱ्यांनी दिले आहेत.
यावेळी मंत्री माविन गुदिन्हो यांनी दाबोळी आणि मोपा विमानतळाबाबत भाष्य केले.
दाबोळी विमानतळावरुन मनोहर आंतरराष्ट्रीय विमानतळावर फ्लाईट्स स्थलांतरित करण्यासाठी जीएमआर कंपनी केंद्रीय पातळीवर दबावतंत्राचा वापर करत असल्याचा आरोप मंत्री माविन गुदिन्हो यांनी केला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.