गिरी म्हापसा सर्व्हिस रोडला (Giri Mapusa service road collapsed) भल मोठ्ठं भगदाड पडले आहे. आज (दि.23) सकाळी काही वाहन चालकांच्या निदर्शनास ही घटना आली. त्यानंतर त्यांनी इतर वाहन धारकांना सतर्क केले, त्यामुळे दुर्घटना टळल्या. पाण्याच्या प्रवाहामुळे हे रस्ता खचला असल्याचे अंदाज वर्तवला जात आहे. दरम्यान, या भगदाडामुळे रस्त्यावरील वाहतूक बंद पडली आहे.
स्थानिक नागरिकांनी दिलेल्या माहितीनुसार, आज सकाळी रस्त्याला भगदाड पडल्याचे निदर्शनास आले. स्थानिकांनी इतर वाहन चालकांना याबाबत माहिती देऊन सतर्क केले. तसेच, पोलिसांना देखील याची माहिती दिली. घटना निदर्शनास आल्यामुळे चालकांना सतर्क करून अपघात टळले. रात्रीच्यावेळी दुर्घटना घडण्याची शक्यता असल्याचे येथील स्थानिक म्हणाले.
दरम्यान, गोवा हवामान विभागाने रविवारी राज्यात येलो अलर्ट जारी केला आहे. दोन्ही जिल्ह्यात पावसाचा जोर अधिक असण्याची शक्यता हवामान खात्याने वर्तवली असून, नागरिकांना सतर्कतेचा इशारा दिला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.