डिचोली: हजारो नागरिकांच्या उपस्थितीत आणि ढोल-ताशांच्या ''घुमचे कटर घुम''च्या तालावर गावकरवाडा-डिचोली येथील प्रसिद्ध "घोडेमोडणी'' आज (सोमवारी) प्रचंड उत्साहात साजरी करण्यात आली. गावकरवाडा येथील ग्रामस्थ गावकर मंडळातर्फे साजरा करण्यात येणाऱ्या श्री शांतादुर्गा रवळनाथ देवस्थानच्या शिगमोत्सवात घोडेमोडणी मोठ्या उत्साहात साजरी करण्यात येते.
सायंकाळी चार घोडेस्वार साजविल्यानंतर गावकरवाडा येथील श्री शांतादुर्गा देवस्थानकडून "घोडेमोडणी" सुरवात झाली. गाऱ्हाणे घातल्यानंतर ढोल-ताशांच्या ठेक्यावर घोडेस्वारांनी ताल धरला सुरवातीस आतीलपेठ येथे तीन आणि नंतर गावकरवाडा येथील श्री रवळनाथ मंदिर परिसरात पाच फेरे मारल्यानंतर पारंपरिक पद्धतीने घोडेमोडणीची सांगता झाली. घोडेमोडणीचा आस्वाद घेण्यासाठी गावकरवाडा ते कायरो हॉस्पिटलपर्यंत नागरिकांनी गर्दी केली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
