मुरगावात आज चित्ररथ स्पर्धा

वास्को: मुरगाव नागरिक शिगमोत्सव समिती व गोवा पर्यटन विभाग पुरस्कृत चित्ररथ, लोकनृत्य, वेशभूषा स्पर्धा 22 मार्च 2022 रोजी वास्को येथे आयोजित करण्यात येणार आहे. तसेच 23 मार्च रोजी ऑर्केस्ट्रा व 24 मार्च रोजी लावण्या (लावणी) पुणे येथील कार्यक्रम होणार असल्याची माहिती समितीतर्फे देण्यात आली आहे.

22 मार्च रोजी गोवा पर्यटन विभाग पुरस्कृत रोमटामेळ, चित्ररथ, लोकनृत्य, वेशभूषा स्पर्धा आयोजित करण्यात येणार आहे. स्पर्धेत भाग घेणाऱ्या स्पर्धकांनी वास्को सेंट अँड्रूज समोरील समितीच्या पदाधिकाऱ्यांकडून दुपारी ३ वाजता अर्ज घ्यावा, नंतर स्पर्धेत भाग घेता येईल अशी माहिती समितीचे सरचिटणीस नितीन चोपडेकर यांनी पत्रकार परिषदेतून दिली. स्पर्धेत भाग घेणाऱ्यांनी सरकारी नियमांचे पालन करावे, असे आवाहन समितितर्फे करण्यात आले आहे.