![Gelatin Explode In Goa](http://media.assettype.com/dainikgomantak%2F2024-04%2Ff653f442-9c23-48d4-bd67-056ef6d2bb1c%2Fgelatin.jpg?w=480&auto=format%2Ccompress&fit=max)
वाळपई येथील अन्सोळे-भिरोंडा येथे काजू फार्ममध्ये सोमवारी रात्री जिलेटीनचा स्फोट झाल्याची घटना उघडकीस आली. स्फोटात जवळपासचा परिसर एवढा हादरला की यात काही घरांच्या भिंती, तावदाने आणि छपरांचे नुकसान झाले आहे.
नासिर काजू फार्ममध्ये ही घटना घडली असून, याप्रकरणी फार्मच्या मालकाला चौकशीसाठी ताब्यात घेण्यात आले आहे.
पोलिसांच्या माहितीनुसार, सोमवारी रात्री दहाच्या सुमारास नासिर काजू फार्ममध्ये मोठा स्फोट झाल्याचा आवाज आला. पोलिसांनी घटनास्थळी दाखल होऊन तपासणी केली असता, फार्मच्या एका खोलीत स्फोट झाल्याचे समोर आले आहे.
पोलिसांनी काजू फार्म मालक नासिर हुसेन जमादार याला ताब्यात घेऊन चौकशी केली. जमादार डोंगर फोडण्याचे काम करत असल्याने त्यासाठी त्यांनी जिलेटीनच्या कांड्या आणल्या होत्या.
काम बंद असल्याने जिलेटीनच्या कांड्या खोलीत ठेवण्यात आल्या होत्या, पण सोमवारी रात्री त्यांचा अचानक स्फोट झाल्याची माहिती जमादार यांनी पोलिसांनी दिली.
पोलिसांनी याप्रकरणी अपघातांचा गुन्हा नोंद केला असून, अधिक तपास केला जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.