मेरशी येथील विशाल गोलतकर याच्या खून प्रकरणातील संशयित गौरीश गावस याचा खुनाशी किंवा मृतदेहाच्या विल्हेवाट लावण्यासंदर्भात थेट संबंध नसल्याचे पोलिसांनी केलेल्या तपासकामात प्रथमदर्शनी दिसून येत असल्याने त्याला सशर्त जामीन अतिरिक्त सत्र न्यायालयाने दिला आहे.
त्याला जुने गोवे पोलिस स्थानकात पंधरवड्यात एकदा हजेरी लावण्याचे आदेशात म्हटले आहे. त्यामुळे या खूनप्रकरणातील दोघांना आतापर्यंत सशर्त जामीन मिळाला आहे.
न्यायालयाने संशयित गौरीशला ३० हजार रुपये वैयक्तिक हमी व तत्सम रकमेचा एक हमीदार, साक्षीदारांशी संपर्क साधण्याचा प्रयत्न करू नये तसेच दर १५ दिवसांनी पोलिस स्थानकावर हजेरीची अट आदेशात नमूद केली आहे.
या प्रकरणी ओंकार याचाही थेट संबंध खुनाशी नसल्याने त्याला सशर्त जामीन दिला आहे. संशयित गौरीश गावस याची भूमिका तशीच आहे, त्यामुळे संशयिताला जामीन देणे योग्य असल्याचे निरीक्षण न्यायालयाने केले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
