मडगाव: विधानसभा निवडणुकीनंतर लगेच पेट्रोल, डिझेल आणि गॅस सिलिंडरच्या दरांत बेसुमार वाढ केल्याने भाजप सरकार लोकविरोधी असल्याचे पुन्हा स्पष्ट झाले आहे. सामान्य जनतेला महागाईच्या खाईत लोटणारे भाजप सरकार असंवेदनशील आहे. भाजप नेत्यांच्या सोयीपेक्षा जनतेची सोय महत्त्वाची आहे. त्यासाठी गोव्यात सरकारने शपथविधी सोहळा तातडीने करावा, अशी मागणी काँग्रेसचे सरचिटणीस तथा आमदार युरी आलेमाव यांनी केली.
इंधन, गॅस दरवाढ, यावर प्रतिक्रिया व्यक्त करताना, कुंकळ्ळीचे आमदार युरी आलेमाव आणि गोवा प्रदेश कॉंग्रेस समितीच्या माध्यम विभागाचे अध्यक्ष अमरनाथ पणजीकर यांनी एका संयुक्त निवेदनात भाजपवर टीका केली. (Fuel Price Hike news)
अवास्तव खर्च थांबवा...
पंतप्रधान नरेंद्र मोदी, केंद्रीय गृहमंत्री अमित शहा आणि इतर भाजप नेत्यांच्या सोयीपेक्षा जनतेची सुविधा महत्त्वाची आहे. जनतेला ताबडतोब सरकार हवे आहे. शपथविधी सोहळ्यासारख्या कार्यक्रमांवर होणारा अवास्तव खर्च थांबवा, असे युरी आलेमाव म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
