Mapusa Narcotic Raid: ग्राहकाला अमली पदार्थ पुरविण्यासाठी आलेल्या संशयित गोविंद जाधव (26, रा. म्हापसा) याला म्हापसा पोलिसांनी सापळा रचून आज (रविवारी) अटक केली. याबाबत पोलिस अधिक तपास करत आहेत.
अमली पदार्थांच्या तस्करीमध्ये स्थानिकांचाही सहभाग असल्याचे पोलिसांच्या लक्षात आले आहे. यानंतर गुप्तहेरांच्या मदतीने पोलीस अशा प्रकरणात गुंतलेल्यांवर लक्ष ठेऊन असतात.
आज संशयित ग्राहकाला अमली पदार्थ पुरविण्यासाठी येणार असल्याची माहिती म्हापसा पोलिसांना मिळाली होती. माहिती मिळताच पोलिसांनी म्हापशातील जेरोम चर्चच्या पार्किंग एरियामध्ये संशयिताला ताब्यात घेतले. संशयिताकडून पोलिसांनी 50 हजार किंमतीचा 500 ग्रॅम गांजा जप्त केला असून त्याला अटक करण्यात आली आहे.
म्हापसा पोलीस स्थानकातील पोलीस उपनिरीक्षक दिनेश कुमार मुखिया यांच्यासोबत पोलीस उपनिरीक्षक यशवंत मांद्रेकर, पोलीस उपनिरीक्षक विराज कोरगावकर, हेड कॉन्स्टेबल सुशांत चोपडेकर, कॉन्स्टेबल अक्षय पाटील, आनंद राठोड यांनी ही कारवाई केली. यांच्यासमवेत अनंत कळंगुटकर यांनी चर्चच्या पार्किंगमध्ये छापा टाकला
दरम्यान पोलीस पुढील चौकशी करत असून आरोपीचा इतर कोणत्या घटनांमध्ये सहभाग आहे का, याची तपासणी सुरू आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
