पर्वरीत मॉलबाहेर महिलांमध्ये तूफान हाणामारी! लाथा-बुक्क्यांनी मारहाण

Fight Between Two Group of Women: पर्वरी येथील एका मॉलच्या पार्किंगमध्ये काही महिलांमध्ये वाद झाल्याचे समोर आले. या वादानंतर त्यांच्यात मारमारीदेखील झाली असून याबाबत 4 महिलांबद्दल पर्वरी पोलिस स्थानकात गुन्हा दाखल करण्यात आला आहे.

माहितीनुसार, बस्तोडा येथे राहणाऱ्या 34 वर्षीय बेनडीता मार्टिन्स आणि तिच्या आईवर इतर 4 महिलांनी हल्ला केल्याचे समोर आले आहे. मॉलच्या पार्किंग एरियामध्ये समोरील गटातील एका महिलेने अपशब्द वापरला. याबाबत बेनडीताने जाब विचारला असता त्या दोघींमध्ये वाद झाला.

यावर अपशब्द वापरलेल्या महिलेच्या आईने आणि इतर महिलांनी बेनडीताला मारहाण केली. बेनडीता आणि तिची आई दोघींवरही या चार महिलांनी हल्ला केला, यामध्ये पीडितेच्या पोटात त्यांनी लाथा-बुक्के मारत तिला खाली पाडले आणि तिची बोटेही चावली.

या सर्व प्रकारानंतर पर्वरी पोलिसात त्या चार महिलांविरोधात तक्रार दाखल करण्यात आली आहे.