पणजी - राज्यात अनेक ठिकाणी एकाच रात्री वाहनांतील स्टिरओ चोरून पोलिसांची झोप उडवलेल्या आंतरराज्य टोळीला गोवा पोलिसांनी शिताफीने 24 तासांच्या आत अटक केली. या टोळीत महाराष्ट्रातील (Maharashtra) तिघा संशयितांकडून सुमारे 15 लाखांचा ऐवज जप्त करण्यात आला आहे. न्यायालयाने त्यांची रवानगी न्यायालयीन कोठडीत केली आहे.
पोलिसांनी अटक केलेल्या संशयितांची नावे जुबेर रहिस अहमद (31 वर्षे, नालासोपारा - मुंबई), जगन्नाथ रामनाथ सरोज (46 वर्षे, नालासोपारा - मुंबई) व प्रदीप रवळनाथ गुरव ( 27 वर्षे, चंदगड - कोल्हापूर) अशी आहेत. पोलिसांनी संशयितांकडून विविध कंपन्यांचे १६ कार स्टरिओ, रेडिमेड कपडे, एक कार तसेच मोबाईल्स जप्त केले आहेत.
या टोळीने एका रात्रीत पणजी, पर्वरी व म्हापसा येथील कारमधील स्टिरिओ चोरल्याने लोकांमध्ये भीतीचे वातावरण पसरले होते. गोवा पोलिसांनी वेगवेगळ्या तुकड्या तयार करून या प्रकरणाचा तपास सुरू केला. यासंदर्भात मिळालेल्या धागेदोऱ्यांच्या आधारे संशयित बेळगाव मार्गाने गेल्याची माहिती मिळाली. गोव्याचे पोलिस पथक बेळगावला पोहचले व त्यांना ताब्यात घेतले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
