Goa Ganesh Chturthi 2023: जनतेच्‍या कल्याणासाठी शक्ती दे!

Goa Ganesh Chturthi 2023: मत्स्योद्योगमंत्री नीळकंठ हळर्णकर हे म्हापशात वास्तव्यास असले तरी सणावाराला ते तारवाडा-कोलवाळ येथील आपल्‍या मूळ घरी जातात. त्यांच्या घरी पाच दिवसांचा गणपती असतो. या मूळ घरात नीळकंठ यांचे बंधू व कुटुंबीय राहतात. जनतेच्‍या कल्‍याणसाठी श्री गणरायाने मला आणखी शक्ती द्यावी, अशी प्रार्थना त्‍यांनी केली.

गणेशोत्सवाच्या आठवणी सांगताना मंत्री हळर्णकर यांनी सांगितले की, फार पूर्वीपासून मी राजकारण व समाजकारणात आहे. त्यामुळे गणेशोत्सवात घरी येणाऱ्यांची संख्या बऱ्यापैकी आहे. शिक्षण क्षेत्रात पाऊल ठेवले आणि त्यात आणखीन वाढ होत गेली. गणेशोत्सव हा अत्यंत साध्या पद्धतीने पण सात्विक वातावरणात साजरा करण्यावर भर असतो. गणेशोत्सवाच्या निमित्ताने घरी थांबणे व वाड्यावर फिरणे होते. त्यानिमित्ताने मनमोकळेपणे हिजगूज करता येते