पणजी: वाढदिवसाच्या पार्टीत मद्यधुंद अवस्थेत असलेल्या मित्रांमध्ये भांडण झाले आणि त्यांनी 'बर्थडे बॉय'चाच खून केला. ही घटना बेतीत शुक्रवरी घडली. शिब्रण राम असे मृत युवकाचे नाव आहे. पर्वरी पोलिसांनी तपास सुरू केला असून सुमित विनोद कुजूर याला अटक केली आहे. उर्वरीत मुलांचा शोध सुरू आहे.
पोलिसांच्या माहितीनुसार, मालीम जेटीवरील ‘लकी स्टार फिशिंग ट्रॉलर’वर शिब्रण कामाला होता. वाढदिवसाच्या (Birthday) निमित्ताने त्याने पार्टी आयोजित केली होती. त्याने सुमित, संतोष, प्रदीप आणि आणखी एका मित्राला आमंत्रण दिले होते. पार्टीमध्ये (Party) सर्वांनी दारू प्यायली. दारूच्या नेशत त्यांच्यात वाद झाला आणि त्यांनी शिब्रणला मारहाण केली. पुढे त्यांनी त्याला जखमी अवस्थेत मांडवी नदीत फेकून दिले आणि तिथून पळ काढला.
शनिवारी सकाळी पर्वरी पोलिसांना घटनेची माहिती मिळाली. माहिती मिळताच पोलीस आणि अग्निशामक दलाने नदीत शिब्रण याचा शोध सुरू केला. रविवारी सकाळी त्याचा मृतदेह सापडला. मांडवीतील शोध सुरू असतानाच पोलिसांनी (Police) संशयितांपैकी सुमित कुजूर याला शनिवारी रात्री अटक केली. पुढील तपास सुरू असल्याचे पोलीस निरीक्षक अनंत गावकर यांनी सांगितले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
