![M. Venkaiah Naidu](http://media.assettype.com/dainikgomantak%2F2023-11%2F83de4d49-9ac4-4cc5-90d8-b95954b5f15a%2Fbanner__6_.png?w=480&auto=format%2Ccompress&fit=max)
M. Venkaiah Naidu Goa Visit: गोव्यात वास्तव्यास असलेल्या इतर राज्यातील नागरिकांनी कोंकणी शिकली, कोंकणीतून बोलले पाहिजे, असे आवाहन माजी उपराष्ट्रपती व्यंकय्या नायडू यांनी व्यक्त केले.
8 राज्ये आणि 5 केंद्रशासित प्रदेशांच्या स्थापना दिनानिमित्त आज, बुधवारी राजभवनातील दरबार हॉलमध्ये झालेल्या कार्यक्रमात ते प्रमुख पाहुणे म्हणून बोलत होते.
नायडू म्हणाले की, कोणत्याही राज्यातील माणसाला आपल्या मायबोली, संस्कृती व मायभूमीबद्दल अभिमान असणे गरजेचे आहे. गोवेकरांनी कोकणी भाषेचा प्रचार, प्रसार तसेच दैनंदिन जीवनात वापर करायला हवा.
याबरोबरच गोव्यात राहणाऱ्या बिगर गोमंतकीय नागरिकांनी कोकणी शिकली पाहिजे. गोव्यातील बिगरगोमंतकीयांची जन्मभूमी वेगळी असली तरीही कर्मभूमी गोवा आहे. त्यामुळे त्यांनी कोंकणी भाषा शिकावी. कोंकणीतून बोलावे.
ते म्हणाले, एक भारत श्रेष्ठ भारत रचण्यासाठी देशाचे माजी गृहमंत्री सरदार वल्लभभाई पटेल यांनी अनेक राज्यांना एकत्रित आणले आणि विविधतेत एकता कशी टिकवायची हे दाखवून दिले. आम्ही प्रथम भारतीय आहोत आणि नंतर बाकीची ओळख असेल. हे आम्ही विसरता काम नये.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.