सांगे : सावित्री कवळेकर यांनी सांगेतून विधानसभा निवडणूक (Assembly Election) लढवणारच, असा दृढनिश्चय जाहीर सभेत उपस्‍थित जनसमुदायासमोर अनेकदा केला आहे. तसेच मला कोणीही रोखण्याचा प्रयत्न केला तरी असंख्य कार्यकर्त्यांच्या बळावर माझा विजय निश्चित आहे. तमाम महिला आपला प्रतिनिधी म्हणून मला एक संधी देतील, असा विश्वास देखील त्‍यांनी याआधी व्यक्त केला आहे. (Goa Politics Update: Savitri Kavlekar Against BJP in Goa)
दरम्यान, माजी आमदारांनी सांगेसाठी काहीही केले नाही, आणि गेल्या 5 वर्षात माझ्या कामावर जनतेचा पूर्ण विश्वास आहे. ते मला मतदान करतील त्यामुळे सांगे मतदार मतदारसंघातून माझा विजय निश्चित असल्याचा विश्वास सावित्री कवळेकर यांनी व्यक्त केला. सावित्री कवळेकर यांनी भाजपला तिकीटाची मागणी केली होती, मात्र त्यांना भाजपने (BJP) डावलले आहे. त्या अपक्ष लढत आहेत. त्यामुळे सांगे मतदारसंघातून कोण बाजी मारणार याकडे सर्वांचे लक्ष लागले आहे.
दरम्यान, भाजपाच्या सांगेतील उमेदवारीच्या यादीतून सावित्री कवळेकर यांचे नाव काढण्यात आल्यानंतर कार्यकर्त्यामध्ये सुरू असलेली संभ्रमावस्था संपुष्टात आली आहे. सावित्री कवळेकर (Savitri Kavalekar) आणि सुभाष फळदेसाई या दोन्ही नेत्यांनी भाजपाच्या उमेदवारिवर दावा केला होता. त्यामुळे नेमके कोणत्या बाजूने जावे अशी स्थिती भाजपाच्या मूळ कार्यकर्त्यांची झाली होती. पक्षाने फळदेसाई यांना उमेदवारी जाहीर केल्यानंतर कार्यकर्त्यांमधील गोंधळ संपुष्टात आला असून सर्व जण फळदेसाईं यांच्यासाठी प्रचार करतांना दिसत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
