फोंड्यातील एक ज्येष्ठ नागरिक तथा फोंडा मतदारसंघाचे आमदार व गोवा राज्याचे माजी कृषीमंत्री ज्योईल्द सौझा आगियार (84) यांचे आज (बुधवारी) सकाळी निधन झाले.
अंत्यसंस्कार गुरुवार, 16 रोजी सायंकाळी 4.30 वाजता करण्यात येतील. त्यासाठी फोंड्यातील माऊंट कार्मेल चर्चमध्ये धार्मिक विधी होणार आहेत. सामाजिक, राजकीय, सांस्कृतिक, शैक्षणिक आणि क्रीडा क्षेत्रातील त्यांचे योगदान उल्लेखनीय असेच आहे.
30 ऑक्टोबर 1938 मध्ये त्यांचा जन्म पोर्ताईस-पणजी येथे झाला. शिक्षण पूर्ण झाल्यावर मोरजी येथील विद्यालयात शिक्षक म्हणून ते रुजू झाले. त्यानंतर पोस्ट खात्यात वरिष्ठ अधिकारी म्हणूनही त्यांनी काही काळ काम केले.
पण सामाजिक कार्याची आवड असल्याने त्यांनी राजकारणात प्रवेश केला. त्यांनी फोंडा पालिकेच्या निवडणुकीत 1970 मध्ये उमेदवारी दाखल केली आणि पहिल्यांदाच त्यांची नगरसेवक म्हणून निवड झाली.
फोंडा मतदारसंघातून काँग्रेसच्या तिकिटावर त्यांनी १९८० मध्ये निवडणूक लढवली व ते जिंकून आले. गोवा सरकारात प्रतापसिंह राणे मुख्यमंत्री असताना मंत्रिमंडळात कृषीमंत्री म्हणून त्यांची वर्णी लागली, कृषी खात्याबरोबरच त्यांच्याकडे पर्यटन, पशुसंवर्धन तसेच समाजकल्याण अशी महत्त्वाची खाती होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
