![Goa Legislative Assembly Monsoon Session 2024: गोव्याला २४ तास पाणीपुरवठा करण्यात सरकार अपयशी ठरल्याचा ठपका ठेवत विरोधी आमदारांनी मुख्यमंत्र्यांना घेरण्याचा प्रयत्न केला.](http://media.assettype.com/dainikgomantak%2F2024-07%2Ff9014fef-bf95-433d-8bfe-30510d36e355%2Fcm%20sawant%20goa%20(13).jpg?w=480&auto=format%2Ccompress&fit=max)
पाईपलाईनमधून पाण्याची बेकायदेशीर चोरी करणे, बेकायदेशीर बोअरवेल खोदणे यास १० लाख रुपयांपर्यंत मोठा दंड ठोठावला जाणार आहे. मोठ्या प्रकल्पांना परवानगी देण्यापूर्वी या भागातील पाणीपुरवठ्याची उपलब्धता तपासली जाईल, असे डॉ. मुख्यमंत्री प्रमोद सावंत यांनी अधिवेशनात सांगितले.
बुधवारी ‘कॉलिंग अटेन्शन’ सदरात अधिवेशनात फातोर्ड्याचे आमदार विजय सरदेसाई आणि कार्लुस फेरेरा यांनी राज्यातील तीव्र पाणीटंचाईचा मुद्दा उपस्थित केला होता. संपूर्ण गोव्याला २४ तास पाणीपुरवठा करण्यात राज्य सरकार अपयशी ठरल्याचा ठपका ठेवत विरोधी आमदारांनी पाणीटंचाईच्या मुद्द्यावरून मुख्यमंत्र्यांना घेरण्याचा प्रयत्न केला.
मडगाव आमदार दिगंबर कामत यांनी नमूद केले की, सुरुवातीच्या काळात लोक नैसर्गिक गोड्या पाण्याच्या स्त्रोतांचे पाणी वापरत होते, जे आज दुर्लक्षित झाले आहे. लोक पूर्णपणे नळाच्या पाण्यावर अवलंबून आहेत. लोकांनी पाणी काटकसरीने वापरावे. अन्य आमदारांनीही पाणीटंचाईचा विषय उपस्थित केला होता.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.