Goa Mining : आणखीन पाच खनिज पट्टे लिलावासाठी खुले होणार

Goa Mining : राज्य सरकारच्या खनिज आणि भूगर्भशास्त्र खात्याच्या वतीने पहिल्या चार खनिज ब्लॉक्‍सची यशस्वी विक्री केल्यानंतर आता आणखी 5 ब्लॉक्स विक्रीसाठी खुले करण्यात आले आहेत. त्‍यात अडवलपाल-थिवी, कुडणे-करमळे, कुडणे, थिवी-पीर्ण, सुर्ल-सोनशी या ब्लॉक्सचा समावेश आहे.

27 मार्चपर्यंत बोलीधारकांना आपल्या निविदा दाखल करता येतील. खाण खात्याने पहिल्या टप्प्यात डिचोली, शिरगाव-मये, मोंत द शिरगाव या उत्तर गोव्यातील तीन आणि दक्षिण गोव्यातील काले अशा एकूण चार ब्लॉक्सचा ई-लिलाव पूर्ण केला आहे.

डिचोली ब्लॉक सेझा (वेदांता) कंपनी, शिरगाव-मये ब्लॉक साळगावकर शिपिंग प्रा. लि. कंपनी, मोंत द शिरगाव ब्लॉक बांदेकर माईन कंपनी तर काले ब्लॉक फोमेंतो कंपनीने सर्वाधिक बोली लावून आपल्याकडेच ठेवण्यात यश मिळविले आहे. ई-लिलाव पूर्ण झाल्याने आता सर्वांना खाणी सुरू होण्याची प्रतीक्षा आहे.