Curchorem Bike Stunt: कुडचडेतील सार्वजनिक रस्त्यावर स्पोर्टस् बाईक चालकांचे जीवघेणे स्टंट

Curchorem Bike Stunt: गोव्यात हुल्लडबाजी करणाऱ्यांची कमी नाही. यात बाहेरून येणारे पर्यटक यांचा समावेश तर आहेच शिवाय काही स्थानिक देखील यात मागे नाहीत. काहीजण राज्यातवर जीवघेणे स्टंट करून त्यांचा आणि इतरांचा जीव धोक्यात घालतात. अशीच एक घटना कुडचडे येथून समोर आली. येथील काही तरूण सार्वजनिक रस्त्यावर जीवघेणे स्टंट करत स्वत: आणि इतरांचा जीव धोक्यात घालत आहेत.

याप्रकरणी व्हिडिओ समोर आला असून, यात काही तरूण कुडचडेतील सार्वजनिक रस्त्यावर जीवघेणे स्टंट करताना दिसत आहेत. सुरूवातीला एक तरूण केटीएम बाईकवरून स्टंट करताना दिसत असून, त्यानंतर तो बाईकचे समोरील चाक उचलून एका चाकावर भरधाव वेगाने गाडी चालवताना दिसत आहे.

व्हिडिओत पुढे तीन ते चार तरूण स्पोर्टस् बाईकवरून विविध स्टंट करत आहेत. तरूणांच्या स्टंटमुळे ते स्वत:चा आणि इतरांचा देखील जीव धोक्यात घालत आहेत.

पोलिस प्रशासनाचे दुर्लेक्ष

कुडचडेतील सार्वजनिक रस्त्यावर तरूणांद्वारे केल्या जात असलेल्या जीवघेण्या स्टंटकडे पोलिस प्रशासनाचे पूर्णपणे दुर्लेक्ष होत असल्याचे दिसून येत आहे. धोकादायक स्टंट तरूण रस्त्यावर कसे करू शकतात असा प्रश्न येथील स्थानिक विचारत आहेत.