Fish Market: मत्स्य्य उद्योग आर्थिक वृद्धीसाठी महत्त्वपूर्ण आहे. राज्य आणि केंद्र सरकार निलक्रांतीच्या दिशेने वाटचाल करत असून आता मत्स्य व्यवसाय केवळ समुद्रापुरता मर्यादित राहिला नसल्याचे प्रतिपादन मच्छीमारमंत्री नीळकंठ हळर्णकर यांनी केले.
ते 7 व्या ॲक्वा गोवा मत्स्य्य महोत्सवाच्या उद्‍घाटनसमयी बोलत होते. यावेळी केंद्रीयमंत्री श्रीपाद नाईक, महाराष्‍ट्राचे सार्वजनिक बांधकाममंत्री रवींद्र चव्हाण, समाजकल्याणमंत्री सुभाष फळदेसाई, आमदार जीत आरोलकर, महापौर रोहित मोन्सेरात उपस्थित होते.
मंत्री हळर्णकर म्हणाले, केंद्र सरकारद्वारे मत्स्य व्यवसायासाठी मोठ्या प्रमाणात अनुदान देण्यात येते. राज्य सरकारही सदोदित मदतीसाठी तत्पर आहे. . मंत्री सुभाष फळदेसाई म्हणाले, तंत्रज्ञानाचा वापर करत मत्स्य व्यवसाय केल्यास अर्थव्यवस्थेला बळकटी मिळेल.
दरम्यान, जयंती तारी, पद्मा रायकर, निरज गावस, विदा डिसोझा, लविना डिसोझा, लक्ष्मी रत्नाकांत नाईक यांना शासनाद्वारे अनुदान पत्रांचे वाटप करण्यात आले.
‘संधीचे सोने करा’
गोव्यातील जनता ही मत्स्यप्रेमी आहे. एक दोन दिवसानंतर मत्ससेवनाशिवाय आम्ही राहू शकत नाही. गोवा समुद्रकिनाऱ्यावर वसलेला प्रदेश आहे, परंतु आम्ही जेवढा फायदा करून घ्यायला हवा होता, तेवढा झालेला नाही. केंद्र सरकार मत्स्य व्यवसाय वाढीसाठी मोठ्या प्रमाणात योजना राबवत आहे. या संधीचे सोने करत नागरिकांनी स्वावलंबी व्हावे, असे आवाहन केंद्रीयमंत्री श्रीपाद नाईक यांनी केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
