पणजी: राज्यातील मासेमारीवर १ जूनपासून ३१ जुलैपर्यंत बंदी लागू करण्यात आली आहे. या काळात समुद्रात मोठ्या नौकांद्वारे व्यावसायिक मासेमारीवर बंदी राहणार असून, सर्व जेटी बंद राहणार असल्याची माहिती मत्स्योद्योग मंत्री नीळकंठ हळर्णकर यांनी दिली.
मंत्री हळर्णकर म्हणाले की, जून-जुलै हे महिने मासे पुनरुत्पादनासाठी महत्त्वाचे मानले जातात. त्यामुळे पर्यावरण संतुलन राखण्यासाठी आणि माशांचे संवर्धन होण्यासाठी दरवर्षी ही बंदी लागू केली जाते.
मात्र, पारंपरिक पद्धतीने मासेमारी करणाऱ्या स्थानिक मच्छीमारांना यातून सवलत दिली आहे. त्यांनी लहान होड्यांद्वारे मासेमारी सुरू ठेवली तरी सुरक्षिततेच्या दृष्टीने सर्व नियमांचे पालन बंधनकारक आहे.
प्रत्येक जेटीवर मत्स्य अधिकाऱ्यांची नियुक्ती करण्यात येणार असून, नियमांचे काटेकोरपणे पालन होत आहे का, यावर नजर ठेवली जाईल. हवामान खात्याच्या अंदाजानुसार आगामी काळात वादळाची शक्यता वर्तविली आहे. त्यामुळे समुद्रात जाण्यापूर्वी मच्छीमारांनी हवामान खात्याच्या सूचनांचे पालन करावे, असे आवाहनही मंत्री हळर्णकर यांनी केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
